Imigomo Yokusebenzisa – TELUS Health One

Ngaphambi kokusebenzisa le Website noma i-App, kufanele ubhalise i-Akhawunti nathi futhi uvumelane Nemigomo yethu Yokusebenzisa - sicela uyifunde ngokucophelela bese uzigcinela ikhopi okuzoba ngeyakho. Le Migomo Yokusebenzisa iyisivumelwano esibophezela wena ne-LifeWorks ngokomthetho.

Bheka uhlu lwamagama achaziwe ekugcineni kweMigomo Yokusebenzisa.

* * *

IMIGOMO YOKUSEBENZISA YE-LIFEWORKS

Isigaba 1. SINGOBANI

I-Website kanye ne-App okulawulwa yile Migomo Yokusebenzisa kungokwe-LifeWorks Inc. ngokuphelele, inhlangano ehlelwe ngaphansi kwemithetho yase-Ontario, e-Canada. I-LifeWorks Inc. ingumnikazi we-LifeWorks futhi iqhuba leli bhizinisi ngezinkampani ezingaphansi kwayo emazweni ahlukahlukene okuhlanganisa, ngaphandle komkhawulo, i-Canada, i-Melika, i-United Kingdom ne-Australia. Ngezinhloso zale Migomo Yokusebenzisa, ngaphandle uma kushiwo ngenye indlela kule Migomo Yokusebenzisa, Ie Website kanye ne-App kuthathwa ngokuthi kungokwe-LifeWorks (Canada) Ltd., okuyinkampani yase-Canada (ebizwa ngokuthi “LifeWorks”, “thina”, “ thina ” noma “ yethu ” kule Migomo Yokusebenzisa). I-LifeWorks iyinkampani ephethwe ngokugcwele yi-LifeWorks Inc.(Registry #2260708) futhi ikheli lethu lebhizinisi eliyinhloko yi- 16 York Street, Suite 3300, Toronto, Ontario M5J 0E6, Canada. Uma usebenzisa i-Website yethu noma i-App ungaphandle kwase-Canada sicela ubheke kuSithasiselo 3 yale Migomo Yokusebenzisa ukuze uthole olunye ulwazi mayelana nemigomo nemibandela eyengeziwe engase isebenze kuwe.

Isigaba 2. IMIGOMO YOKUSEBENZISA

2.1 Le Migomo Yokusebenzisa ichaza isisekelo esisebenzisayo ukuhlinzeka Izinsizakalo zethu nge-Website ne-App yethu kulezi zinhlobo zabantu abalandelayo:

Abasebenzisi Abazimele abathola imikhiqizo nezinsizakalo zethu Ngezinhlangano zabo Ezibaxhasayo (“Abasebenzisi Abaxhasiwe”). Abasebenzisi Abaxhasiwe bahlanganisa (a) abasebenzi abafinyelela kwiZinsizakalo ngabaqashi babo noma abahlinzeki babo bemishwalense, (b) abantu abazuza ezinhlelweni ezixhasiwe abafinyelela kwiZinsizakalo zethu ngabaxhasi bezinhlelo zabo, (c) inyunyana yabasebenzi, inhlangano yabasebenzi noma amalungu ososeshini wabasebenzi bafinyelela kwiZinsizakalo ngokuba amalungu alezo zinyunyana zabasebenzi, izinhlangano zabasebenzi, noma ososeshini babasebenzi, kanye (d) nabafundi abafinyelela kwiZinsizakalo ngezikhungo zabo zemfundo ezibaxhasayo (isb. amanyuvesi namakolishi), ukubala abambalwa.
Abashadile, izingane, abantu abondliwayo ekhaya kanye nabanye abantu abahlobene Nabasebenzisi Abaxhasiwe (“Abasebenzisi Abancikile”), inqobo nje uma la bantu bengaBasebenzisi Abancikile abavumelekile ngaphansi kweSivumelwano se-SPO esisebenza Kumsebenzisi Oxhasiwe ofanele.
Izinhlangano Ezixhasayo (njengabalawuli bama-akhawunti) ezingamakhasimende aqondile e-LifeWorks futhi ezinika iZinsizakalo zethu ngqo Kubasebenzisi Abaxhaswe yizo, noma abathola iZinsizakalo zethu ngezinkampani zangaphandle ezithengisayo (njengezinkampani zomshwalense) ezihlinzeka amakhasimende azo ayiziNhlangano Ezixhasayo ngamalungelo okulawula ama-akhawunti (ngokuhlangene, “Abalawuli Be-SPO”).
Abathengisi bomshwalense noma abanye abathengisa iZinsizakalo zethu (a) abahlinzeka ngemikhiqizo nezinsizakalo zethu kumakhasimende abo ayiziNhlangano Ezixhasayo (bona bese behlinzeka iZinsizakalo kuBasebenzisi babo Abaxhasiwe), kodwa (b) abawaniki amakhasimende abo ayiziNhlangano Ezixhasayo amalungelo okuphatha ama-akhawunti. (“Abalawuli be-Pass-Through”).

Kule Migomo Yokusebenzisa, Abasebenzisi Abaxhasiwe, Abasebenzisi Abancikile, Abalawuli be-SPO kanye Nabalawuli Be-Pass-Through babizwa umuntu ngamunye noma sebebonke ngokuthi “Abasebenzisi,” “wena,” “yakho/yabo,” namanye amagama afanayo lapho ingqikithi idinga lawo magama ajwayelekile. Amanye amagama achazwe ohlwini olukwiSithasiselo 1 ekucgineni kwale Migomo Yokusebenzisa. Amanye amagama okudingeka siwadalule kuwe avela ezinkampanini zangaphandle ezingabathengisi achazwe kwiSithasiselo 2.

2.2 Ngokubhalisela i-Akhawunti ukuze usebenzise iZinsizakalo zethu ngale Website noma i-App uvuma ukuzibophezela kule Migomo Yokusebenzisa. Ungasebenzisa i-Website kanye ne-App (a) ngokuhambisana nale Migomo Yokusebenzisa kuphela, (b) ngezinhloso okudalelwe zona kuphela, (c) ngokuhambisana nayo yonke imithetho neziqondiso ezisebenzayo kuphela, futhi (d) ngendlela efanelekile kuphela. UMA UNGAVUMELANI NALE MIGOMO YOKUSEBENZISA, UVUMELEKILE UKUBA UNGAYISEBENZISI I-WEBSITE NOMA I-APP FUTHI NGEKE UZITHOLE IZINSIZAKALO EZITHOLAKALA NGE-WEBSITE NOMA I-APP. UMA, NGANOMA YISIPHI ISIKHATHI NGEMVA KOKUVUMELANA NALE MIGOMO YOKUSEBENZISA, WEHLULEKA UKUHAMBISANA NALE MIGOMO YOKUSEBENZISA, SINELUNGELO LOKUMISA FUTHI/NOMA SIVALE IZINSIZAKALO ZETHU FUTHI SIFAKE IMIKHAWULO NOMA SIVALE I-AKHAWUNTI YAKHO NOKUNGENA KWAKHO KWI-WEBSITE YETHU KANYE NE-APP NGAPHANDLE KWESAZISO.

2.3 Uma ubhalisa njengomphathi we-Akhawunti egameni le-Lomlawuli we-Pass-Through, uthathwa njengovumelana nale Migomo Yokusebenzisa egameni lakho nasegameni laBasebenzisi bakho. Uma ubhalisa njengomphathi we-Akhawunti egameni loMlawuli we-SPO, uthathwa njengovumelana nale Migomo Yokusebenzisa egameni lakho nasegameni laBasebenzisi bakho. Ezimweni zombili, ngokubhalisa, uyavuma ukuthi wena ngokwakho, ugunyaziwe ukuba umele Umlawuli we-Pass-Through noma Umlawuli we-SPO nokuthi wena ngokwakho, unamandla negunya lokubophezela wena noMlawuli we-Pass-Through noma Umlawuli we-SPO ngokwamukela le Migomo Yokusebenzisa kanye nanoma yimiphi eminye imigomo nezinqubomgomo esingase sidinge ukuba uyamukele mayelana neZinsizakalo.

2.4 Sinelungelo lokubuyekeza noma sichibiyele le Migomo Yokusebenzisa ngezikhathi ezithile. Izibuyekezo nezichibiyelo zale Migomo Yokusebenzisa ziqala ukusebenza lapho zifakwa yithi kwi-Website noma kwi-App futhi ukuqhubeka kwakho ukusebenzisa iZinsizakalo zethu ne-Website ne-App kuzosho ukuvuma kwakho lezi zibuyekezo nezichibiyelo. Ngezinhloso zolwazi kuphela, sizozama ukukwazisa nge-email uma sibuyekeza noma sichibiyela le Migomo Yokusebenzisa; kodwa, ukungaphumeleli kwethu ukukwazisa ngeke kushintshe ukubophezeleka kwakho kule Migomo Yokusebenzisa ebuyekeziwe noma echibiyeliwe. Kungenzeka futhi, ezimweni ezithile, sidinge ukuba wamukele ngokucacile izibuyekezo noma izichibiyelo ezithile lapho ungena kwi-Akhawunti yakho (noma, esimweni Sabalawuli be-SPO noma Abalawuli be-Pass-Through, lapho umphathi ogunyaziwe engena kwi-Akhawunti yakho), kulesi simo ngeke ukwazi ukuqhubeka nokusebenzisa iZinsizakalo ungakamukeli ngokucacile.

Isigaba 3. IMIGOMO EYENGEZIWE EHLANGANISWE NALE MIGOMO

Le migomo elandelayo, kanye nanoma yiziphi izichibiyelo ezizolandela, nazo ziyingxenye yale Migomo Yokusebenzisa futhi, lapho kufanele, izohlanganiswa nale migomo ngokuba ishiwo:

(a) Imigomo Yokusebenzisa i-Website yethu (ikhophi yayo yakamuva etholakala ku www.lifeworks.com);

(b) Kubalawuli be-Pass-Through kanye naBalawuli be-SPO, Isivumelwano sethu se-SPO nawe noma, uma kufanele, imigomo yezinsizakalo phakathi kwakho nanoma iyiphi inkampani yangaphandle engumhlinzeki noma umthengisi weZinsizakalo zethu kuwe;

(c) Kubasebenzisi Abaxhasiwe, noma yimiphi imigomo nemibandela oyibekelwe Inhlangano yakho Exhasayo (sicela ubuze Inhlangano yakho Exhasayo ngemininingwane); futhi

(d) noma yiziphi izichibiyelo, ushintsho noma ukubuyekezwa okwenziwe kulokhu okungenhla ngezikhathi ezithile.

Isigaba 4. IZINSIZAKALO, I-WEBSITE NE-APP

4.1 Sihlinzeka ngezinsizakalo zohlelo lokusiza abasebenzi ezijwayelekile (okuhlanganisa nezinsizakalo zokwelulekwa), izinsizakalo zolwazi nokufunda ngezempilo nokuphila kahle, izinsizakalo zokuxhumana ezigxile emphakathini, izinhlelo zezinzuzo nokonga (okuhlanganisa imiklomelo, okokukhuthaza, amathuba okubuyelwa yimali, izinhlelo zezaphulelo, amakhadi ezipho nokunye okuhlinzekwa yizitolo kubathengi), nezinsizakalo zokubongwa komphakathi, okuningi kwakho okutholakala kwi-cloud, kanti zonke zitholakala nge-Website yethu noma nge-App (“Izinsizakalo”). Izinhlangano Ezixhasayo zikhetha iZinsizakalo ezizotholwa ngaBasebenzisi bazo Ababaxhasile ngokuvumelana nathi, futhi i-Akhawunti yakho izokuvumela ukuba ufinyelele kulezo Zinsizakalo ezikhethwe Inhlangano yakho Exhasayo kuphela. Ngokuvamile, Izinsizakalo zethu zikuvumela ukuba wenze lokhu okulandelayo (uma kuvunywe Inhlangano yakho Exhasayo):

(a) ukufinyelela kwizinhlobonhlobo zezinsiza namathuluzi okungakusiza (wena kanye nalabo abancike kuwe uma bekhona) ubhekane nezinkinga zakho emsebenzini noma ekhaya, okuhlanganisa iZinsizakalo zohlelo lokusiza abasebenzi ezichazwe kwiMigomo Yokusebenzisa;

(b) ukufinyelela kwizinhlobonhlobo zezipesheli zokuyodla ezitolo, ukuthenga kwi-internet, ukuthenga ezitolo kanye nezamakhadi ezipho;

(c) thola isikweletu esifana nemali kithi (esingahoxiswa noma sisetshenziswe kwizipesheli ezikwi-Website yethu noma i-App) lapho uqeda ukuthenga okuthile okubekiwe kuMthengisi obambe iqhaza ngokuhambisana neSigaba 9 sale Migomo Yokusebenzisa (“Uhlelo Lokubuyelwa Yimali”);

(d) thola Imiklomelo oyinikwa yiNhlangano Ekuxhasayo ngenxa yokuthile okufezile noma okunye okuhlangene nomsebenzi wakho (njengoba kuchazwe ngokugcwele eSigabeni 10 sale Migomo Yokusebenzisa), ongayisebenzisa ngokuhambisana neSigaba 10. (a "Imiklomelo" );

(e) zuza Imiklomelo ngokubamba iqhaza ezinhlelweni zethu zempilo (njengoba kuchazwe ngokugcwele eSigabeni 10 sale Migomo Yokusebenzisa), ongayisebenzisa ngokuhambisana neSigaba 10 (“Imiklomelo Yokuphila kahle” );

(f) vula izigaba ezahlukene Zezinzuzo ngokuzuza amaphuzu ezinhlelweni zethu zempilo, okungaholela Ekubuyelweni Yimali noma Imiklomelo Yokuphila Kahle (njengoba kuchazwe ngokugcwele eSigabeni 10 sale Migomo Yokusebenzisa);

(g) xhumana nabanye Abasebenzisi Abaxhasiwe ngolwazi oluthile, okuhlanganisa ukuncoma noma ukunconywa phakathi kwakho nabanye Abasebenzisi Abaxhasiwe ngokuvumelana neSigaba 12 sale Migomo Yokusebenzisa;

(h) finyelela kwizinsiza zezempilo nokuphila kahle, okuhlanganisa Ukuhlola Izingozi Zezempilo kanye nezinhlelo zokuguqula ukuziphatha, nokunye, okuchazwe eSigabeni 10.4 nezinye izinsiza ezichazwe eSigabeni 13.1 sale Migomo Yokusetshenziswa.

Imigomo ekhethekile ephathelene nalezi Zinsizakalo, okuhlanganisa imikhawulo esebenza kulezi Zinsizakalo, ziphinde zichazwe kabanzi kule Migomo Yokusebenzisa.

4.2 I-Website noma i-App ivuleleke kuwe ukuba ufinyelele kuyo futhi uyisebenzise ‘njengoba injalo’ ‘nanjengoba itholakala’ futhi wuwe othwala noma yibuphi ubungozi obungaba khona. Asikuqinisekisi ukuthi ukufinyelela kwakho nokusebenzisa kwakho i-Website noma i-App ngeke kuphazamiseke noma kungabi nezinkinga ngokwezinga elivunyelwe umthetho owengamele lokhu.

4.3 Thina (noma Inhlangano yakho Exhasayo) singashintsha noma sivale izingxenye noma izinhlelo ezithile ezihlangene neZinsizakalo ngezikhathi ezithile futhi ngaphandle kwesaziso. Asikuqinisekisi ukuthi ulwazi oluthile noma okunye kuzotholakala njengengxenye Yezinsizakalo nge-Website noma nge-App, ngezinga elivunyelwe umthetho owengamele lokhu.

4.4 Sinelungelo lokushintsha ukwakheka, izingxenye kanye/noma ukusebenza kwe-Website kanye/noma i-App futhi singenza izibuyekezo noma izinhlobo ezintsha ze-App ezingatholakala ngokuthi uzifake. Awuphoqelekile ukuba ufake noma yiziphi izibuyekezo noma izinhlobo ezintsha ze-App, kodwa kungenzeka siyeke ukufaka izinto ezintsha noma ukubuyekeza lokhu okuqukethwe kwizinhlobo ezindala ze-App.

4.5 I-App kufanele ifakwe, kungenwe kuyo futhi isetshenziswe kuphela ocingweni okungolwakho noma olulawulwa nguwe noma Inhlangano Ekuxhasayo futhi lusebenzise uhlelo lobuchwepeshe olufanele, i-App eyayidalelwe lona, ngakho-ke kungumsebenzi wakho ukuqinisekisa ukuthi ucingo lwakho luhambisana nazo zonke izidingo zobuchwepheshe ezozokwenza ukwazi ukufaka i-App, ungene kuyo, uphinde uyisebenzise ngokuphelele.

Isigaba 5. UKUBHALISA I-AKHAWUNTI

5.1 Ukuze usebenzise iZinsizakalo, kufanele ubhalise I-akhawunti esebenzayo futhi:

(a) ungumuntu oyedwa;

(b) umele futhi uqinisekisa ukuthi usufinyelele okungenani eminyakeni yobudala okwazi ngayo ukubophezeleka kule Migomo Yokusebenzisa ngokomthetho ngaphansi kwemithetho esebenzayo ezweni lakho. Uma ungaphansi kweminyaka yobudala futhi ufuna ukusebenzisa iZinsizakalo zethu, umzali noma umnakekeli wakho udinga ukuxhumana ne-LifeWorks ukuze avume ukubophezeleka kule Migomo Yokusebenzisa ngokomthetho. Uma nganoma yisiphi isikhathi i-LifeWorks ithola ukuthi iminyaka yakho ingaphansi kweminyaka yobudala futhi imvume yomzali noma umnakekeli wakho ayitholakalanga, sinelungelo lokumisa noma sivale i-akhawunti yakho ngokubona kwethu sodwa;

(c) uma ungumzali noma umnakekeli oqoke ingane yakho/oyinakekelayo ukuba isebenzise iZinsizakalo, uyayimela futhi uqinisekisa ukuthi ingane yakho/oyinakekelayo ithobela le Migomo Yokusebenzisa;

(d) uneminyaka okungenani engu-18 uma uzokhokha ngekhadi lesikweletu, ukhiphe imali yohlelo lokubuyelwa yimali noma usozsebenzisa eminye yemiKlomelo;

(e) ungakwazi ukusebenzisa iziNsizakalo zethu ngaso sonke isikhathi ngokuhambisana nemigomo nemibandela ekwiSivumelwano se-SPO seNhlangano Ekuxhasayo;

(f) uyavuma ukuthobela le migomo nemibandela inqobo nje uma i-Akhawunti yakho ivuliwe; futhi

(g) uyaqinisekisa ukuthi ulwazi ekwi-Akhawunti yakho (okuhlanganisa imininingwane yakho) luyiqiniso futhi lubuyekezwa njalo ukuze kwenziwe iziguquko ezifanele uma zikhona.

5.2 Kufanele ubhalise nathi ngqo (kungaba nge-Website yethu noma i-App) ukuze ukwazi ukusebenzisa iziNsizakalo. Ngesikhathi ubhalisa, kufanele unikeze:

(a) igama lakho eliphelele elisemthethweni;

(b) ikheli le-email elisebenzayo;

(c) noma yiluphi olunye ulwazi esizolucela njengengxenye yenqubo yokubhalisa (njengenombolo yakho kamazisi wasemsebenzini, inombolo kamazisi womfundi noma inombolo yobulungu, uma iceliwe).

5.3 Uyaqinisekisa ukuthi yonke imininingwane osinika yona ngeiskhathi ubhalisa i-Akhawunti iyiqiniso. Kufanele usazise uma noma yimiphi imininingwane osinike yona mayelana ne-Akhawunti yakho ishintsha noma yinini ngesikhathi ubophezeleke kule Migomo Yokusebenzisa.

5.4 Sinelungelo lokwenqaba ukubhalisa umuntu uma enqaba ukunika imininingwane acelwa yona ngokwale Migomo Yokusebenzisa noma uma sinesizathu sokukholwa ukuthi eminye yemininingwane esinikwe yona ingamanga ayinhloso noma ayilona iqiniso eliphelele.

5.5 Ekusunguleni i-Akhawunti, kufanele wakhe Igama Lomsebenzisi (okuzoba ikheli lakho le-email) kanye nenombolo eyimfihlo okufanele ihambisane nemigomo yethu yezokuphepha (okungahlanganisa isigaba sokungena kanye esigunyazwe Inhlangano Ekuxhasayo). I-akhawunti yakho ingeyakho wedwa kanti ayidluliseleki komunye umuntu, futhi kufanele ugcine Igama lakho Lomsebenzisi nenombolo eyimfihlo kuyimfihlo ngaso sonke isikhathi. Ukuqinsekisa ukusetshenziswa ngendlela efanele kwe-Akhawunti yakho kuyojoka futhi uma usola noma ubona ukuthi i-akhawunti yakho isetshenziselwa izinto ezingalungile noma ayisetshenziswa ngendlela, kufanele usibikele ngokushesha. Sinelungelo lokumisa okwesikhashana noma ukuvala i-akhawunti yakho nganoma yisiphi isikhathi, nangenxa yezizathu zokuphepha.

5.6 Ungaba ne-Akhawunti eyodwa kuphela; Ukubhaliswa Kwama-Akhawunti Esibili kuzoholela ekuvalweni kwawo wonke Ama-Akhawunti axhumene nawe noma alawulwa nguwe ngezinzuzo futhi sinelungelo lokuvala noma yiziphi izinzuzo osuzitholile ezixhumene nalama Akhawunti ngaphandle kokuzidlulisela noma ukuzihlanganisa.

5.7 Noma ngabe yini ephikisana nale Migomo Yokusebenzisa, uma usinika imininingwane engesilo iqiniso noma ekhohlisayo ngenhloso, noma wenza ukukhwabanisa, ubugebengu nanoma yini engalungile nengafanelekile kwi-Website yethu noma i-App, singamisa i-Akhawunti yakho okwesikhashana noma siyivale ngaphandle kwesaziso futhi ungalahlekelwa yimali ebisesikhwameni sohlelo Lokubuyelwa Yimali noma i-Akhawunti yakho yemiKlomelo. NGAPHEZU KWALOKHO, UMA WENZA NOMA UZOBANDAKANYA EKUKHWABANISENI, UBUGEBENGU NANOMA YINI ENYE ENGALUNGILE NENGAFANELEKILE KWI-WEBSITE YETHU NOMA I-APP, SINELUNGELO LOKUDALULA LOKHU KWINHLANGANO EKUXHASAYO NEZIPHATHIMANDLA EZIFANELE, OKUHLANGANISA UKUBAZISA NGEQHAZA LAKHO KULOKHU.

5.8 Ezinye Izivumelwano ze-SPO azikuvumeli ukwenziwa kwama-Akhawunti Abasebenzisi Abancikile. Ezimweni ezithile, Isivumelwano sethu se-SPO neNhlangano yakho Exhasayo singadinga Abasebenzisi Abancikile ukuthi benze ama-Akhawunti anemikhawulo. Nge-akhawunti enemikhawulo, kunezinhleo noma izinsizakalo Umsebenzisi Oncikile angeke akwazi ukuzithola kodwa ezitholwa Ngabasebenzisi Abaxhaswe Yinhlangano Exhasayo.

Isigaba 6. ABASEBENZISI BANGAPHANDLE; ABASEBENZISI ABAVELA KWAMANYE AMAZWE

6.1 Izinsizakalo (okuhlanganisa i-Website kanye ne-App) adalelwe futhi ahloselwe ukuthi uwathole futhi uwasebenzise endaweni eshiwo Esivumelwaneni se-SPO seNhlangano yakho Exhasayo. Ngakho-ke, iZinsizakalo ezitholakala kuBasebenzisi abakule Ndawo kungenzeka zingatholakali noma zingasebenzi kahle kuBasebenzisi abangaphandle kwale Ndawo. Inhlangano Yakho Exhasayo ingakutshela yona Indawo noma ungaxhumana nathi nge-Website kanye/noma i-App. Uyavuma futhi uvumelana, ngokomthetho osebenzayo ukuthi:

(a) asinikezi siqiniseko sokuthi Abasebenzisi abangaphandle kweNdawo bazokwazi ukuthola noma ukusebenzisa zonke noma ezinye zeZinsizakalo noma i-Website kanye/noma i-App;

(b) asinikezi siqinisekiso sokuthi iZinsizakalo, i-Website noma i-App kuhambisana nemithetho noma iziqondiso ezisebenza ngaphandle kweNdawo; futhi

(c) ngeke sibe nesikweletu kuwe nganoma yikuphi ukulahlekelwa, ukulinyalelwa noma izindleko ezitholwe noma ezikhokhwe nguwe ngenxa yanoma yisiphi isimangalo sokuthi iZinsizakalo, i-Website noma i-App akusebenzi ngokuhambisana nale Migomo Yokusebenzisa endaweni efanele ngaphandle kweNdawo noma ukuthi iZinsizakalo, i-Website noma i-App akuhambisani nanoma yimuphi umthetho noma isiqondiso esisebenza ngaphandle kweNdawo futhi noma yikuphi ukungakwazi ukusebenza okufana nalokhu ngeke kusho ukwephulwa kwale Migomo Yokusebenzisa.

6.2 Uma ungowakwelinye izwe noma uhlala (okwesikhashana noma unomphelo ngaphandle kweNdawo):

(a) ungathola ulwazi olwengeziwe mayelana nokutholakala kanye nokukwazi ukungena kwakho kwi-Website kanye/noma i-App ngokuxhumana nathi noma Inhlangano Ekuxhasayo.

(b) ukusebenzisa kwakho nokukwazi ukungena kwi-Website noma i-App kuzothwathwa nguwe nathi njengokwenziwe ngaphakthi kwiNdawo, ngaphandle uma kunemigomo eyengeziwe ebhekene nawe ebekwe ku kuSithasiselo sesi-3 sale Migomo Yokusebenzisa; futhi

(c) ngaphandle kwezipesheli eztholakala kwizinkampani zangaphandle ezingabathengisi kanye nalezo esisebenza nazo (njengeZitolo), noma lapho umthetho noma iziqondiso ezisebenza ngaphandle kweNdawo zingavumi, sizosebenzisa imizamo yokwethembeka neyenza umqondo ngezezimali ukuthi ukwazi ukuthola zonke iZinsizakalo uma lezo zinsizakalo zikhona eZweni okulo.

Isigaba 7. UKUVIKELWA KOLWAZI KANYE NOBUMFIHLO

7.1 Le Migomo Yokusebenzisa, kanye Nemigomo yethu Yokusebenzisa i-Website, Inqubomgomo yethu Yobumfihlo (yonke itholakala ku-www.help.lifeworks.com, okungenzeka ichibiyelwe ngezikhathi ezithile) ilawula ukuqoqa, izibopho zobumfihlo, ukusetshenziswa, ukudalulwa, ukugcinwa, kanye nokumoshwa kwanoma yimiphi imininingane yakho oyithumela i-LifeWorks nge-Website kanye/noma i-App, okuhlanganisa noma yimiphi imininingwane yakho evele ngokusebenzisa kwakho iziNsizakalo. Sicela ubuyekeze futhi ubheke Inqubomgomo yethu Yobumfihlo njengoba iqukethe ulwazi olubalulekile okufanele ulazi mayelana nemininingwane yakho nounye ulwazi olumayelana nawe.

7.2 NGOKUHAMBISANA NOMTHETHO OSEBENZAYO, UNGAYIGODLA IMVUME YAKHO YOKUBA SIQOQE, SISEBENZISE, SICUBUNGULE, SIDALULE, SIGCINE KANYE/NOMA SIMOSHE IMINININGWANE YAKHO NGOKUKHETHA UKUNGABHALISI I-AKHAWUNTI NOKUNGAZITHOLI IZINSIZAKALO. UMA USUNIKE I-LIFEWORKS IMVUME YAKHO, UNGAYIHOXISA IMVUME YAKHO YONKE NOMA INGXENYE YAYO NGANOMA YISIPHI ISIKHATHI KODWA NOMA YIKUPHI UKUHOXISWA KWEMVUME YAKHO KUZOBA NOMTHELELA KWIZINSIZAKALO I-LIFEWORKS EKWAZI UKUZIHLINZEKA KUWE, FUTHI KUNGASE KUNCIPHISE UKUSEBENZA KWEZINHLELO EZITHILE KWI-WEBSITE KANYE/NOMA KWI-APP. UMA UHOXISA IMVUME YAKHO NGOKUPHELELE SINGAYIVALA NGALESO SIKHATHI I-AKHAWUNTI YAKHO.

7.3 NGAPHANDLE KWALAPHO UMTHETHO UNGAVUMI NOMA UNGAVUMI NGOKUPHELELE KHONA, NGOKWENZA I-AKHAWUNTI NOKUVUMELANA NALE MIGOMO YOKUSEBENZISA, UKHULULA I-LIFEORKS KUNOMA YISIPHII ISIKWELETU ESINGAVELA NGENXA YOKUQOQWA, UKUSETSHENZISWA, UKUDALULWA, UKUCUTSHUNGULWA KANYE/NOMA UKUMOSHWA KWEMININGWANE YAKHO NGOKUHAMBISANA NALE MIGOMO YOKUSEBENZA KANYE NENQUBOMGOMO YETHU YOBUMFIHLO (ESEBENZAYO NJENGAMANJE ITHOLAKALA KWA-WWW.LIFEWORKS.COM ) .

Isigaba 8. IZITOLO

8.1 Njengengxenye yeZinsizakalo, singakunika (nge-Website noma i-App) izixhumanisi zama-Website oMthengisi wemikhiqizo noma iZinsizakalo oyedwa noma ngaphezulu obambe iqhaza. Isibalo namagama eZitolo kungashintsha ngezikhathi ezithile, ngokubona kwethu, futhi ukubamba iqhaza kwanoma yimuphi uMthengisi ngeke kuthathwe njengokuncoma kwethu loyo Mthengisi. Ngokulandela izixhumanisi zama-website kwi-Website yethu noma i-App ungakhetha ukuthenga izimpahla noma izinsizakalo noma uthole Ikhodi Yesizathu ongayisebenzisa uma uthenga kulezi Zitolo. Noma yini oyithenga kuMthengisi yenganyelwe yimigomo nemibandela yabo futhi kungumsebenzi wakho njengomthengi ukuthi ufunde leyo migomo nemibandela ngokucophelela. Ngokuphathelene neZitolo, uyavuma futhi uyavumelana nokuthi:

(a) ngeke sibe necala nganoma yisiphi isenzo noma ukungenzi koMthengisi;

(b) asizincomi izimpahla noma izinsizakalo okuthengiswa wuMthengisi futhi kungumsebenzi wakho ukuzanelisa ngezinga nokufaneleka kwaleyo mikhiqizo noma izinsizakalo, imigomo eqondene nokuthenga kanye nokwethembeka nesimo sokuboleka izimali salo Mthengisi;

(c) noma yiluphi ulwazi oluvela kwi-Website noma i-App oluphathelene noMthengisi (“Ulwazi LoMthengisi”) lunikezwe yilowo Mthengisi, lumele lo Mthengisi, futhi liwumthwalo walo Mthengisi kuphela;

(d) imininingwane yanoma yimuphi Umthengisi ayiwona umsebenzi wethu;

(e) uma ukhetha ukuthenga izimpahla noma izinsizakalo noma uthole Ikhodi Yesizathu ongayisebenzisa uma uthenga kuMthengisi: (1) ukuthenga kwakho kuzohambisana nenkontileka phakathi kwakho noMthengisi kuphela, ngemibandela ovumelene noMthengisi ngayo; futhi (2) I-LifeWorks ngeke ibe yingxenye yaleyo nkontileka futhi ngeke kube wumsebenzi wethu, nganoma iyiphi indela, ukuqinsiekisa ukuthi uMthengisi uyawenza umsebenzi waso ngokwale nkontileka noma ukuqinsekisa izinga nokuphepha kwempahla noma izinsizakalo ozithola kulo Mthengisi, okuhlanganisa nokunye okuhlangene nale nkontileka;

(f) isibopho sethu sokukhokha noma iyiphi Imali Ekubuyele ngenxa yokuthenga kwakho impahla noma izinsizakalo ezifanelekile kuMthengisi kuzoncika ekutheni uMthengisi aqale asikhokhele Imali Yokuthengisa efanele (bheka Isigaba 9.1 sale Migomo Yokusebenzisa) futhi ngeke sizibophezele noma sibe nesikweletu kuwe sokuqinisekisa ukuthi uyakhokhelwa (noma ukukukhokhela thina singakakhokhelwa) Imali Yokuthengisa ephuma kuMthengisi iza kithi (yize lokhu kungashintshi noma kungakhawuli isibopho sethu esicacile ngaphansi kwale Migomo Yokusebenzisa ukukukhokhela i-Imali Ebuyela Kuwe evela kwiMali Yokuthengisa esesikhokheliwe yona yavela nakithi); futhi

(g) uma kuba khona inkinga nganoma imuphi umkhiqizo noma insizakalo ethengwe nguwe kuMthengisi, yonke imibuzo nezingxabano ezihlangene nemikhiqizo noma izinsizakalo okunenkinga kufanele kuqondiswe kuMthengisi othintekayo ngaphandle kwemibuzo ephathelene kuphela neMali Ebuyela Kuwe, okufanele iqondiswe ku-LifeWorks ngokusithumelela i-email ku support@lifeworks.com.

Isigaba 9. IMALI EKUBUYELAYO (ISEBENZA KUPHELA UMA IKHONA EZWENI LAKHO FUTHI IBHALISELWE INHLANGANO YAKHO EKUXHASAYO)

9.1 Uma usebenzisa i-Website noma i-App, uzokwazi ukubona inani leMali Ebuyela Kuwe ongayithola ngokuthenga okuthile kuMthengisi. Inani leMali Ezokubuyela liyahluka ngezinye izikhathi futhi lincike kulokho ozokuthenga. Imali Ebuyela Kuwe ekhokhwa yithi eqondene nokuthile okuthengile ngokuvumelana kwakho noMthengisi iyingxenye yenani esilikhokhelwa (“Imali Yokuthengisa”) wuMthengisi noma ngomunye egameni loMthengisi ngokwemibandela yesivumelwano phakathi kwethu noMthengisi (noma osonkontileka babo abancane) ngokuphathelene nokuthile okuthenge kulo Mthengisi. Isibopho sethu sokukukhokhela iMali Ebuyela Kuwe sibekwe ngokuphelele kule Migomo Yokusebenzisa kuphela, awukho omunye umbhalo.

9.2 Sizokwazisa futhi sikukhokhele Imali Ebuyela Kuwe esikhwameni sayo uma sesithole Imali Yokuthengisa emayelana nokuthile okuthenge kulo Mthengisi. Uma usuwazisiwe ukuthi uneMali Ekubuyele esikhokhiwe, ungayikhipha ngokusazisa ngokuhambisana nale Migomo Yokusebenzisa nangokulandela imiyalelo ekwi-Website noma i-App; inqobo nje, uma, isikhwama sakho Semali Ebuyela Kuwe besinemali engango-£5.00 (“Inani Eliphansi”) ngaphambi kokukhipha imali. Nakuba amanani eMali Ebuyela Kuwe engahluka, inani elincane leMali Ebuyela Kuwe ongalikhipha Inani Eliphansi.

9.3 Yonke imali ekhishwa esikhwamenii Semali Ebuyela Kuwe izokhokhwa kwi-akhawunti ye-PayPal esemthethweni ekhethwe nguwe noma ezinye izindlela zokuthola le mali esingakunika zona ngokubona kwethu; inqobo nje uma, siba nelungelo lokukukhokhisa imali yokukhipha uma sikunika noma iyiphi indlela yokukhipha imali kwiskhwama Semali Ebuyeka Kuwe. Uzokwaziswa ngalezo zimali ongabizwa zona ngaphambi kokuthi ukhokhiswe. Uma ufaka isicelo sokukhipha imali, kufanele unikeze imininingwane ye-akhawunti ye-PayPal noma enye i-akhawunti ofisa kungene kuyo Imali Ebuyela Kuwe ("Okuncamelayo Nge-CashBack Yakho"). Ungakhipha ingxenye noma yonke Imali Ebuyela Kuwe ekhona esikhwameni sayo ngokusebenzisa i-akhawunti oyincamelayo nganoma yisiphi isikhathi ngokwemigomo yalesi Sigaba 9. Uma kuyingxenye yezimiso ze-Akhawunti yakho, ungakwazi nokukhetha ukuthi Imali Ebuyela Kuwe izikhiphekele yona. Kungumsebenzi wakho ukuqinisekisa ukuthi i-akawunti yakho oncamela ukuthola kuyo Imali Ebuyela Kuwe isesimweni esihle futhi iyakwazi ukwamukela Imali Ebuyela Kuwe (okuhlanganisa nokukhishwa kwemali okuzenzekelayo) ngenkathi i-Akhawunti yakho ye-Lifeworks isebenza. UYAVUMA UKUTHI UMA UNIKEZA IMINININGWANE YE-AKHAWUNTI ONCAMELA UKUBA IMALI EBUYELA KUWE INGENE KUYO OKUNGEYIYO, NOMA IYIPHI IMALI EKHOKHELWE KULEYO AKHAWUNTI AYIKWAZI UKUPHINDE IKHOKHWE FUTHI SIZOYITHATHA NGOKUTHI IKHOKHIWE NGOKUGCWELE.

9.4 Uyavuma futhi uyavumelana nokuthi Imali Ebuyela Kuwe itholakala kuphela (a) ngokuthenga okuthile okuqokwe wuMthengisi nge-internet kwi-website yakhe uMthengisi ngokusebenzisa izixhumanisi esikwi-Website yethu noma i-App, (b) ngokuthenga amakhadi ezipho athile ngesixhumanisi esikwi-Website yethu noma i-App, noma (c) lapho kucaciswe khona mayelana nesipesheli esithile kwi-Website noma kwi-App.

9.5 Ayikho Imali Ebuyela Kuwe ezotholakala noma ukhokhelwe yona (futhi, uma uMthengisi oqondene nalokhu eseyikhokhelile Imali Yokuthengisa, leyo mali izohlala ngakithi), uma:

(a) i-akhawunti yakho yeMali Ebuyela Kuwe ingenayo okungenani Imali Encane ebekiwe;

(b) uthenge nganoma iyiphi enye indlela (okuhlanganisa ukuthenga ngocingo noma ngeposi noma ngokungena kwi-website yoMthengisi ngaphandle kokusebenzisa isixhumanisi esikwi-Website yethu noma i-App);

(c) uma ukuthenga kwakho kumiswa nganoma yisiphi isizathu emva kokuba usuqalile noma usuthengile, okuhlanganisa ukumiswa wuMthengisi, nezimo lapho impahla ethengiwe ibuyiselwa kuMthengisi;

(d) wena noma omunye okumele ethenge ngomgunyathi, noma uma ukuze kuzuze omunye umuntu ngaphandle kwakho njengoMsebenzini ogunyaziwe mayelana naloku kuthenga;

(e) thina noma uMthengisi sinezizathu ezizwakalayo zokusola ukuthi ukuthenga kwakho kwenziwe ngomgunyathi;

(f) ngesinqumo sethu sodwa, sibona ukuthi Imali Ebuyela Kuwe uyithole ngephutha;

(g) I-Akhawunti yakho ibingasasebenzi okungenani izinyanga ezingu-12;

(h) sithola ukuthi awusahambisani nemigomo yokuthola le mali ebekwe eSigabeni 5.1 sale Migomo Yokusebenzisa; noma

(i) i-Akhawunti yakho ivaliwe nganoma yisiphi isizathu (okuhlanganisa lapho Isivumelwano se-SPO siphelelwa yisikhathi, noma lapho thina noma Inhlangano yakho Exhasayo sinqamula Isivumelwano se-SPO nganoma yisiphi isizathu) futhi wehlulekile ukusebenzisa Imali Ebuyela Kuwe esele esikhwameni seMali Ebuyela Kuwe ngesikhathi esibekwe eSigabeni 21.5 sale Migomo Yokusebenzisa.

9.6 Kungenzeka sihlinzeke ngohlelo olukuvumela ukuba uxhume ikhadi lakho lasebhange lokukhokha noma lesikweletu kwi-Akhawunti yakho, futhi uma uthenga okuthile eZitolo usebenzisa lelo khadi ungathola izipesheli ezithile zemali Ebuyela Kuwe ozokwaziswa ngazo nge-Website noma i-App. Kungumsebenzi wakho ukuqinsekisa ukuthi abantu abagunyaziwe kuphela abasebenzisa ikhadi lesikweletu noma lokukhokha elixhunywe kwi-Akhawunti yakho.

9.7 Uyavuma futhi uyavumelana nokuthi:

(a) ukulandelela imali okufanele ifakwe esikhwameni sakho seMali Ebuyela Kuwe kudinga ukuthi sithembele ezinhlelweni zezinkampani zangaphandle ezisetshenziswa uMthengisi, esingakwazi thina ukuzilawula, futhi ezidinga ukuba sinike Abathengisi okungenani eminye Iminingwane Yakho (okuhlanganisa ngalezi zinhlelo zezinkampani zangaphandle); futhi

(b) ilungelo lakho lokuthola Imali Ebuyela Kuwe lingaphazanyiswa (futhi, kwezinye izimo, livinjwe ngokuphelele) yizimiso ezithile noma ubuchwepheshe obufakwe kwikhompyutha noma umakhalekhukhwini wakho okuvimba uMthengisi ekulandeleni izenzo zakho, njengokuvala ama-cookie noma ukusetshenziswa kohlelo olufihla imininingwane yomuntu uma usebenzisa i-Akhawunti yakho noma i-website yoMthengisi.

9.8 Uma inkinga yezobuchwepheshe ezinhlelwenii zoMthengisi, noma ukungahambisani nama-setting kwikhompyutha noma umakhalekhukhwini wakho, kuvimba ukuba uMthengisi angakwazi ukulandelela ukuthenga kwakho ohlose ngakho Ukubuyelwa Yimali, le mali kungezeka ingafiki kithi futhi nawe ungakhokhelwa. Uma uMthengisi esithumelela Imali Yokuthengisa okungacacile ukuthi iqondene nakuphi ukuthenga koMsebenzisi ofanelekile, le mali izohlala ngakithi.

9.9 Ukukwazi kwakho ukukhipha Imali Ebuyela Kuwe kuncike ekutheni siqale sithole Imali Yokuthengisa efanelekile kuMthengisi othenge kuye. Uyavuma futhi uyavumelana nokuthi:

(a) asibophezelekile ukuba siqinisekise ukuthi uMthengisi uyasikhokhela Imali Yokuthengisa;

(b) lapho uMthengisi kufanele asikhokhele Imali Yokuthengisa, kungenzeka (ezimweni ezijwayelekile) kuthathe izinsuku ezingu-90 ngaphambi kokuba siyithole le Mali Yokuthengisa kuMthengisi, kodwa lokhu kuzoncika kuMthengisi othile futhi ngokweqiniso kungathatha isikhathi eside kunezinsuku ezingu-90 ukuthi uMthengisi asikhokhele Imali Yokuthengisa; futhi

(c) ngeke siphoqeleke ukulandelela uMthengisi ukuba sisikhokhele Imali Yokuthengisa kodwa singakhetha ukukwenza lokhu ngokubona kwethu (yize ngokujwayelekile ngeke sikwenze lokhu zingakapheli okungenani izinsuku ezingu-90 kusukela kwathengwa okuthile okwaholela ekutholeni leMali Yokuthengisa). Ungakhetha, ngokusebenzisa imali yakho, ukulandelela uMthengisi ngeMali Ebuyela Kuwe okufanele ikhokhwe kuwe ngqo, kuhlanganisa ngaphandle komkhawulo, lapho sinquma khona ukungamulandeleli uMthengisi ngeMali Yokuthengisa ebizokhokhwa ngokuphelele noma ingxenye njengeMali Ebuyela Kuwe; inqobo, nje, uma ungeke, ngaphansi kwanoma yiziphi izimo, ugunyazwe ukuba njengomuntu wesithathu ozuzayo kunoma yisiphi isivumelwano phakathi kwethu nanoma yimuphi uMthengisi.

9.10 Uma ngenxa yephutha lobuchwepheshe, lokuphatha, noma elinye, imali esele kwisikhwama seMali Ebuyela Kuwe ingaphezu kwenani elifanele, kufanele usazise ngokushesha. Awuvunyelwe ukukhipha Imali Ebuyela Kuwe obekungafanele uyithole, futhi sinelungelo lokubamba leyo mali kwiMali Ebuyela Kuwe ongayithola esikhathini esizayo.

9.11 Ngokubona kwethu sodwa, futhi kuncike esivumelwaneni se-SPO neNhlangano yakho eXhasayo noma Izinsizakalo Inhlangano Exhasayo ezibhalisele, singanika Abasebenzisi abathile izinhlelo zeMali Ebuyela Kuwe ezithuthukisiwe noma ezinye izipesheli ngezikhathi ezithile. Imali yezinhlelo ezifana nalezi zeMali Ebuyela Kuwe izokhokhwa ekupheleni kwenyanga ngayinye futhi izotholakala ukuba ikhishwe kwisikhwama seMali Ebuyela Kuwe uma uMthengisi eseqinisekisile ukuthi uMsebenzisi ukuthengile okufanelekile ukuze athole le mali.

9.12 Sinelungelo lokuvala noma sibuyise noma iyiphi Imali Ebuyela Kuwe ethuthukisiwe efakwe esikhwameni seMali Ebuyela Kuwe uma kukhona okushintshile ngalokho okuthengiwe ngenxa yokubuyiselwa kwakho noma uma sisola ukuthi kunokukhwabanisa okwenzekile.

9.13 Ngaphandle uma kuchazwe ngenye indlela futhi ngokucacile kule Migomo Yokusebenzisa, yonke imigomo esebenza kwiMali Ebuyela Kuwe izosebenza nakwiMali Ebuyela Kuwe ethuthukisiwe.

9.14 Sinelungelo lokushintsha, ukuhoxisa, noma ukuvala ukunikezwa kweMali Ebuyela Kuwe ethuthukisiwe ngokubona kwethu nganoma yisiphi isikhathi; inqobo, nje uma lokhu kungeke kube nomthelela kwilungelo loMsebenzisi lokufakelwa Imali Ebuyela Kuye ethuthukisiwe esikhwameni sakhe seMali Ebuyela Kuye ngaphambi kosuku lokushintshwa, ukuhoxiswa, noma ukuvalwa.

Isigaba 10. IMIKLOMELO- IMIGOMO YABASEBENZISI (ISEBENZA KUPHELA UMA IKHONA EZWENI LAKHO FUTHI BHALISWE YINHLANGANO YAKHO EKUXHASAYO)

10.1 Imiklomelo Yokwenza Kahle. Uma Inhlangano yakho Exhasayo ibhalisele Imiklomelo Yokwenza Kahle:

(a) Inhlangano yakho Exhasayo ingakunika Imiklomelo Yokwenza Kahle ephuma kwi-akhawunti yeNhlangano yakho Exhasayo ngezikhathi ezithile. Imiklomelo Yokwenza Kahle ingakhokhwa ngamanani asukela ku-£10.00 kuya ku-£500 (noma iliphi elinye inani esingalenza litholakale kwiNhlangano Yakho Ekuxhasayo ngokuhambisana neSivumelwano se-SPO ngezikhathi ezithile). Uma Inhlangano yakho Exhasayo ikunika Umklomelo Wokwenza Kahle sizokwazisa nge-email noma, ngokwehlukile, ngesaziso kumakhalekhukhwini wakho uma uwuhlelele ukuba ukwazi ukwamukela futhi uveze izaziso ezifana nalezi.

(b) Uma Umklomelo Wokwenza Kahle usufakwe kwi-Akhawunti yakho, uzothola lowo Mklomelo Wokwenza Kahle kwi-akhawunti yemiklomelo eqondene ne-Akhawunti yakho (“I-akhawunti yakho Yemiklomelo”). IMIKLOMELO YOKWENZA KAHLE KUFANELE ISETSHENZISWE ZINGAKAPHELI IZINYANGA EZINGU-12 WAYITHOLA KWI-AKHAWUNTI YAKHO YEMIKLOMELO. IMIKLOMELO YOKWENZA KAHLE ONIKWE YONA WANGAYISEBENZISA ZINGAKAPHELI IZINYANGA EZINGU-12 IZOPHELELWA YISIKHATHI FUTHI IWELE KITHI. UMA UYIVALA I-AKHAWUNTI YAKHO NGANOMA YISIPHI ISIZATHU, UYOBA NEZINSUKU EZINGU-90 KUSUKA NGOSUKU EYAVALWA NGALO UKUBA UTHATHE IMIKLOMELO YOKWENZA KAHLE EKWI-AKHAWUNTI YAKHO YEMIKLOMELO, EMVA KWALESI SIKHATHI LE MIKLOMELO IZOWELA KITHI. Kulesi simo, ngeke sisaba nasikweletu kuwe esiqondene naloyo Mklomelo Wokwenza Kahle. Ungathatha Imiklomelo kwi-Akhawunti yakho Yemiklomelo ngokuhambisana neSigaba 10.6(b) ngezansi.

(c) Imiklomelo Yokwenza Kahle ingaba wumholo okhokhelwa intela kuwe futhi kungenzeka incike kwezinye izidingo ezingayibamba ezibekwe kuwe yiziphathimandla zentela zendawo noma Inhlangano yakho Exhasayo. I-LifeWorks ayenzi zethulo noma iziqinisekiso mayelana nanoma yiziphi izidingo zentela noma imiphumela yentela eqondene noma engaqondene neMiklomelo Yokwenza Kahle.

10.2 Amaphutha Emiklomelo Yokwenza Kahle. Uma sifake Umklomelo Wokwenza kahle kwi-Akhawunti yakho ngephutha:

(a) Sinelungelo lokuhoxisa wonke Umklomelo Wokwenza Kahle nganoma yisiphi isikhathi ngemva kwalokho ngaphandle kokukwazisa kuqala futhi ngeke ube nelungelo lokuthatha lo Mklomelo Wokwenza Kahle.

(b) Uma iphutha kuyinani elingafanele (i) sinelungelo lokuhoxisa leyo ngxenye yoMklomelo Wokwenza Kahle engaphezu kwenani olinikwe Inhlangano yakho Exhasayo, futhi (ii) sizolungisa noma yikuphi lapho uthole khona inani elingaphansi kwalelo elifanele emva kokuqinisekisa neNhlangano Ekuxhasayo ukuthi impela sikhokhe inani elingaphansi kwalelo elifakwe yiNhlangano yakho Exhasayo.

(c) Sizokwazisa ngokushesha. Uma ngesikhathi sesaziso sethu usuwusebenzisile Umklomelo Wokwenza Kahle, ngeke sisabophezeleka ukuba sokuhlinzeka indlela okhethe ngayo ukuthola umiklomelo wakho (Njengekhadi lesipho). Uma sesikuthumelile umklomelo wakho, singakucela ukuba uwubuyise kithi, lapho uzowubuyisa zingakapheli ezingu-30 emva kwesaziso sethu esibhaliwe sikucela ukuba wenze njalo kanti izindleko zokuwubuyisa zizokhokhelwa yithi. Lapho kufanele khona, uma sesiwutholile umklomelo owubuyisile, sizophinda sikunike lo Mklomelo Wokwenza Kahle ngenani elifanele kusukela ngalolo suku.

10.3 Izinguquko Ohlelweni Lwemiklomelo Yokwenza Kahle. Ngokuhambisana neSivumelwano se-SPO, singalumisa okwesikhashana noma siluvale uhlelo lweMiklomelo Yokwenza Kahle olusebenza kuwe nganoma yisiphi isikhathi nganoma yisiphi isizathu. Lapho kungenzeka khona, sizokwazisa kusanesikhathi. Uma silumisa okwesikhashana noma siluvala uhlelo lweMiklomelo Yokwenza Kahle olusebenza kuwe, isinxephezelo sakho esisodwa nesikhethekile wukuthi singashiya imiklomelo yakho Yokwenza Kahle kwi-Akhawunti Yakho Yemiklomelo noma, ngokubona kwethu kuphela, singadlulisela Imiklomelo yakho Yokwenza Kahle kwisikhwama sakho seMali Ebuyela Kuwe.

10.4 Imiklomela Yenhlalakahle. Uma Inhlangano yakho Exhasayo ibhalisele Imiklomelo Yenhlalakahle:

(a) Ungazuza Imiklomelo Yenhlalakahle ngokwenza imisebenzi ethile ebekwe kwi-Website noma i-App (njengokuphendula uhlu lwemibuzo yokuhlola, ukufunda imibhalo emifishane noma ukubamba iqhaza kwimincintiswano). Ukuze uthole uhlu olugcwele Lwemiklomelo Yenhlalakahle, okuhlanganisa amaphuzu ngomsebenzi ngamunye, izigaba zemiklomelo nezinye izikhuthazo nezinselelo, sicela ubheke ku-help.lifeworks.com. Kungenzeka sishintshe amaphuzu, izigaba, imisebenzi, imincintiswano noma ezinye izingxenye zohlelo Lwemiklomelo Yenhlalakahle ngezikhathi ezithile ngokubona kwethu, okuhlanganisa ukugxilisa Abasebenzisi kwizinhloso ezithile noma ngenxa yolwazi oluhlanganisiwe lwaBasebenzisi noma okunye ukuphawula esikutholayo. Amaphuzu, izigaba, imisebenzi, imincintiswano kanye nezinye izingxenye zeMiklomelo Yenhlalakahle kungahluka ngendawo okuyo. Inhlangano Yakho Exhasayo nayo ingenzela abasebenzi bayo imisebenzi ethile ukuze bathole Imiklomelo Yenhlalakahle eyengeziwe.

(b) Uma uzuza Imiklomelo Yenhlalakahle, uzothola lowo Mklomelo Wenhlalakahle kwi-Akhawunti yakho Yemiklomelo. Ungathatha Imiklomelo kwi-Akhawunti yakho Yemiklomelo ngokuhambisana neSigaba 10.6(b) ngezansi.

10.5 Ezinye Izinhlelo Zemiklomelo. Kungenzeka ngezikhathi ezithile sisungule ezinye izinhlelo zeMiklomelo futhi sizihlinzekele Izinhlangano Ezixhasayo. Uma Inhlangano Ekuxhasayo ibhalisela uhlelo olulodwa noma ngaphezulu kulezi ezinye izinhlelo Zemiklomelo (ezibizwa ngokuhlangene “Ngeminye Imiklomelo”), kungenzeka ucelwe ukuba unike imvume yakho ohlwini olwehlukile lwemigomo nemibandela esebenza kuleyo Eminye Imiklomelo. Uma uzuza Eminye Imiklomelo, le miklomela izohlanganiswa ne-Akhawunti futhi uzothola leyo Miklomelo Eminye kwi-Akhawunti yakho Yemiklomelo. Ungasebenzisa Eminye Imiklomelo kwi-Akhawunti yakho Yemiklomelo ngokuvumelana neSigaba 10.6(b) ngezansi.

10.6 Abasebenzisi Bayisebenzisa Kanjani Imiklomelo.

(a) Ungasebenzisa noma yimiphi Imiklomelo kwi-Akhawunti yakho Yemiklomelo ngokukhetha indlela ofisa ukuyithola ngayo imiklomelo kwi-Website noma i-App (“Indlela Ofisa Ukuthola Ngayo Imiklomelo”) futhi uthobele izidingo, imiyalelo nemikhawulo ehlangene naleyo ndlela oyikhethile. Ngeke ukwazi ukushintsha isinqumo sakho. Uma usukhethe indlela ofisa ukuthola ngayo imiklomelo yakho ngeke ukwazi ukushintsha noma ukumisa isinqumo sakho noma ufune ukubuyiselwa imali. Kodwa-ke, uma ukhethe Indlela Ofisa Ukuthola Ngayo Imiklomelo yakho ingasatholakali nganoma yisiphi isizathu, sizokwazisa futhi uzoba nelungelo lokukhetha indlela entsha yokuthola imiklomelo yakho,okuzoba yiso kuphela isinxephezelo sakho esikhethekile kulezi zimo. Izindlela Zokuthola Imiklomelo yakho azidluliseleki kubanye abantu futhi ngeke ukwazi ukuzishintshanisa uthole imali.

(b) Sizodonsa inani elishiwo lendlela yakho yokuthola imiklomelo kwi-Akhawunti yakho Yemiklomelo. Sizokuthumela umklomelo wakho ngendlela oyikhethile kwikheli lakho le-email elixhunywe kwi-Akhawunti yakho ngaleso sikhathi. Isikhathi sokuthunyelwa komklomelo wakho ngendlela oyikhethile sizohluka (lokhu kungenzeka kuncike kuMthengisi noma omunye umthengisi walokho okukhethile), kodwa sizozama ukuthumela umklomelo wakho ngendlela okhethe ngayo zingakapheli izinsuku ezingu-14 kusukela osukwini owakhipha ngalo umklomelo wakho.

(c) Izinhlobonhlobo Zezindlela Ongathola Ngazo Imiklomelo zingashintsha ngezinye izikhathi; asikuqinisekisi ukuthi Izindlela Ongathola Ngazo Imiklomelo ezikhona kwi-Website noma kwi-App zizohlale zikhona futhi sinelungelo lokuyeka ukuhlinzeka noma sishintshe noma iyiphi indlela ongathola ngayo imikomelo nganoma yisiphi isikhathi, okuhlanganisa lapho lowo mklomelo usukhethiwe kodwa ungakathunyelwa, ngokubona kwethu sodwa.

(d) Izindlela Zokuthola Imiklomelo ezihlanganisa amakhadi ezipho noma amavawusha zingaphansi kwayo yonke imithetho eyengamelayo kanye nanoma yimiphi esebenza kula makhadi noma amavawusha oMthengisi, okuhlanganisa izinsuku zokuphelelwa yisikhathi noma eminye imikhawulo yokusebenzisa ebekwe nguMthengisi. Asikwazi ukulawula Izitolo, futhi asinasibopho kuwe nganoma iyiphi indlela ngokuphathelene nanoma yimiphi imigomo nemibandela yoMthengisi nanoma yiziphi izidingo noma izibopho mayelana nezinsuku zokuphelelwa yisikhathi ngaphansi komthetho owengamele lokhu. KUNGUMSEBENZI WAKHO KUPHELA UKUFUNDA FUTHI UQONDE NOMA YIMAPHI AMAPHEPHA NOMA IZIDINGO OZINIKWA NOWAZISWA NGAZO IZITOLO, IKAKHULUKAZI OKUHLANGENE NEZINSUKU ZOKUPHELELWA YISIKHATHI ZEMIKHIQIZO NEZINSIZAKALO ZALEZI ZITOLO.

(e) Mayelana nazo zonke izitolo, uyavuma futhi uyavumelana nokuthi:

I-LifeWorks ngeke ithwale icala lezenzo, izimfihlo noma amaphutha oMthengisi;
asiziphakamisi izimpahla noma izinsizakalo okutholakala kuMthengisi;
kungumsebenzi wakho ukuzigculisa ngezinga nokufaneleka kwale mikhiqizo noma izinsizakalo kwizidingo zakho ezithile, imigomo ethile yalokho okuthengiswa uMthengisi, kanye nokwethembeka koMthengisi nesimo sakhe sezezimali; futhi
noma yiluphi ulwazi oluvela kwi-Website noma i-App oluhlinzekwa wuMthengisi luyohlale liwumthwalo waloyo Mthengisi.

(f) Uma usebenzisa Umklomelo wakho ukuze uthenge izimpahla noma izinsizakalo kuMthengisi:

isisekelo sokuthenga kwakho kuzoba yinkontileka ephakathi kwakho noMthengisi kuphela, ngemibandela okuvunyelwene ngayo phakathi kwakho noMthengisi;
ngeke sibe yingxenye yaleyo nkontileka futhi ngeke sibophezeleke nganoma iyiphi indlela ekusebenzeni kwaleyo nkontileka nguMhlinzeki noma ngezinga noma ukuphepha kwanoma yiziphi izimpahla noma izinsizakalo okuthengiswa nguMhlinzeki; futhi
uma kuba nenkinga nganoma iyiphi Indlela Okhethe Ukuthola Ngayo Umklomelo wakho noma umkhiqizo noma insizakalo okuthengwe nguwe kuMhlinzeki, ungaqondisa yonke imibuzo kuloyo Mhlinzeki.

Isigaba 11. IMIKLOMELO - IMIGOMO ESEBENZA KWIZINHLANGANO EZIXHASAYO KANYE NABAPHATHI BAZO (ISEBENZA KUPHELA LAPHO IKHONA EZWENI LAKHO FUTHI IBHALISELWE YINHLANGANO YAKHO EKUXHASAYO)

11.1 Uyavuma futhi uyavumelana nokuthi ukuze noma yimuphi Umsebenzisi Oxhasiwe noma Umsebenzisi Oncike Koxhasiwe bakwazi ukuthola uMiklomelo, lo Msebenzisi Oxhasiwe noma Umsebenzisi Oncike Kuye kufanele balandele imigomo yokuthola imiklomelo ebekwe eSigabeni 5.1 sale Migomo Yokusebenzisa futhi ukutholwa nokwamukelwa kwanoma yimphi iMiklomelo nguMsebenzisi Oxhasiwe noma Umsebenzisi Oncikile, ngaso sonke isikhathi kuyohlale kuncike ekutheni Umsebenzisi Oxhasiwe noma Umsebenzisi Oncikile alandele le migomo Yokusebenzisa ngokuphelele. Uthathwa ngokuthi uyayazi imikhawulo Yemiklomelo esebenza kuBasebenzisi Abaxhasiwe njengoba kubekwe eSigabeni 10, okuhlanganisa ngaphandle komkhawulo:

Isigaba 10.1(b) esiphathelene nokuphelelwa yisikhathi kweMiklomelo Yokwenza Kahle emva kwezinyanga ezingu-12 kanye nokuphelelwa yisikhathi kweMiklomelo Yokwenza Kahle engasetshenziswanga ezinsukwini ezingu-90 ngemva kokuvalwa kwe-Akhawunti;
Isigaba 10.1(c) esimayelana nemiphumela yentela engaba khona ngeMiklomelo Yokwenza Kahle;
Isigaba 10.2 esimayelana nezinxephezelo ezingatholwa Abasenzisi Abaxhasiwe ngamaphutha ekwabiweni kweMiklomelo Yokwenza kahle;
Isigaba 10.3 esimayelana nokumiswa noma ukuvalwa kohlelo kweMiklomelo Yokwenza Kahle olusebenza Kubasebenzisi Abaxhasiwe;
Isigaba 10.6(c) esimayelana nezinguquko ekutholakaleni kweMiklomelo ngezindlela ezahlukene; futhi
Izigaba 10.6(d), 10.6(e), no-10.6(f) ezimayelana nobudlelwano bethu nezinga lokulawula okunemikhawulo neZitolo ezihlinzeka Ngezindlela Zokuthola Imiklomelo.

11.2 Izinhlangano Ezixhasayo ezibhalisele iMiklomelo Yokwenza Kahle zizophatha uhlelo lweMiklomelo Yokwenza Kahle ngokuhambisana nemigomo nemibandela ebekwe kwisivumelwano se-SPO nanoma yisiphi esinye isivumelwano phakathi kweNhlangano Exhasayo kanye nathi esilawula uhlelo lweMiklomelo Yokwenza Kahle. Uma, njengoMlawuli we-SPO, ungenaso Isivumelwano se-SPO esiqondile nathi futhi uthola izinsizakalo zethu ngenkundla yenkampani yangaphandle, uyavuma futhi uyavumelana nokuthi eminye imigomo eyengeziwe yalesi Sigaba11.2 izosebenza ngaso sonke isikhathi ekusebenziseni kwakho uhlelo lweMiklomelo Yokwenza Kahle:

(a) Ungakwazi ukwaba Imiklomelo Yokwenza Kahle koyedwa noma ngaphezulu waBasebenzisi bakho Abaxhasiwe kuphela ngemva kokuba usudlulisele imali eyanele kithi futhi leyo mali ivela njengekhona kwi-Akhawunti Yemiklomelo Yokwenza Kahle yeNhlangano yakho Exhasayo (“I- Akhawunti Yemiklomelo Yokwenza Kahle”).

(b) Ukuze ufake imali kwi-Akhawunti yakho Yemiklomelo Yokwenza Kahle, kufanele uqale uxhumane nathi usazise ngemininingwane yemali ozoyifaka futhi uthole inombolo yokulandelela yakho wedwa. Kuzofanele uthumele imali kwi-akhawunti yebhange lethu esiliqokile bese ufaka le nombolo yokulandelela emiyalelweni yakho yokufaka le mali. Uma siyithola imali evela kuwe, sizofaka leyo mali (ngemuva kokubanjwa kwezindleko zokushintshwa kwemali noma ukudluliswa kwayo) kwi-Akhawunti yakho Yemiklomelo Yokwenza Kahle, ngaleso sikhathi le mali izobonakala ukuthi ikhona kwi-Akhawunti yakho Yemiklomelo Yokwenza Kahle. Izimali zakho sizozikhokha ngokushesha okuvunyelwa yisikhathi nokunye, kodwa uyavuma futhi uyamukela ukuthi ukukhokhwa kwezimali zonke kulandela imigudu nezikhathi ezibekwe ngamabhange, esingenakukulawula.

(c) Zonke izimali ezikwi-Akhawunti yakho Yemiklomelo Yokwenza Kahle sizozogcina egameni lakho kuze kube yilapho (i) izimali zakho seziphelile ngenxa yokusebenzisa Imiklomelo yakho Yokwenza Kahle noma (ii) uzikhipha izimali kwi-Akhawunti yakho Yemiklomelo Yokwenza Kahle ngokuhambisana neSigaba 11.2(g).

(d) Uma wabela Umsebenzisi Oxhasiwe Umklomelo Wokwenza Kahle, sizothatha imali elingana nenani loMklomelo Wokwenza Kahle kwi-Akhawunti Yemiklomelo Yokwenza Kahle siyidlulisele kwi-Akhawunti Yemiklomelo Yomsebenzisi Oxhasiwe futhi emva kwalokho sizoqhubeka nokugcina le mali egameni loMsebenzisi Oxhasiwe kuze kufike isikhathi lapho lo Msebenzisi Oxhasiwe esebenzisa uMklomelo Wokwenza Kahle noma uMklomelo Wokwenza Kahle uphelelwa yisikhathi noma uyahoxiswa noma uphucwe wona ngokuhambisana neminye imigomo yalesi Sigaba 11.

(e) Ukuze wabele Umsebenzisi Oxhasiwe Umklomelo Wokwenza Kahle, kufanele ungene ku-Akhawunti yakho Yomlawuli we-SPO, ukhethe uhlu lweMiklomelo Yokwenza Kahle, ukhethe uMsebenzisi Oxhasiwe omfunayo, ukhethe inani olifunayo bese ufaka i-oda.

(f) Imiklomelo Yokwenza Kahle oyabele Umsebenzisi Oxhasiwe awukwazi ukuyisula noma uyinikeze kabusha ngemva kokuba usuyabile wasithumelela ne-oda. Asinakwamukela icala elihlangene nokulahlekelwa kwakho noma uMsebenzisi Oxhasiwe okuvela ekwabiweni koMklomelo Wokwenza Kahle ngaphandle uma kube nephutha ekwabiweni koMklomelo Wokwenza Kahle okungeloethu ngqo, kuleso simo sizozama ukubuyisa uMklomelo Wokwenza Kahle ongabiwanga ngendlela futhi/noma siwabe kabusha lo Mklomelo Wokwenza Kahle kuMsebenzisi Oxhasiwe ofanele. Kunoma yisiphi isimo, isikweletu sethu sigcina kwinani loMklomelo Wokwenza Kahle, noma le ngxenye yawo engabiwanga ngokufanele futhi sizoyifaka le mali kwi-Akhawunti Yemiklomelo Yokwenza Kahle.

(g) Ungakhipha noma yiziphi izimali ezingasebenzile kwi-Akhawunti yakho Yemiklomelo Yokwenza Kahle nganoma yisiphi isikhathi ngokusibhalela isicelo sokukhipha imali. Sizofaka izimali ezifanele kwi-akhawunti yasebhange Yenhlangano Exhasayo ekhethwe nguwe ngesikhathi sesicelo sokukhipha imali. Sizokwenza imizamo eyenza umqondo ngokwezezimali ukuba siqedele ukukhishwa kwemali zingakapheli izinsuku ezingu-14 safakwa isicelo sokukhipha imali. Kuyo yonke imali ekhishwayo kuzobanjwa imali yokuyikhipha ebalulwe kwiSivumelwano sakho se-SPO, uma ingabaluliwe kahle, izoba okungenani ngu-$100 noma £100 (njengoba kusebenza Endaweni ebalulwe kwiSivumelwano se-SPO) noma u-10% wezimali ezikhishiwe, noma yiliphi inani eliphezulu kunelinye ("Imali Yokukhishwa Kwemali"). Imali Yokukhishwa Kwemali izobanjwa kwinani lezimali ezikhishiwe. Sinelungelo lokufuna ubufakazi obuzwakalayo nobugculisayo bokuthi iNhlangano Exhasayo ikugunyazile ukukhishwa kwemali kwi-Akhawunti yakho Yemiklomelo Yokwenza Kahle ngaphambi kokuba imali ikhishwe.

(h) Kungenzeka ngesikhathi esizayo sethule uhlelo oluzokuvumela ukuba ukhokhe futhi ukhiphe imali nge-Akhawunti yeNhlangano yakho Exhasayo ngqo, lapho uyoba nelungelo lokusebenzisa lolu hlelo njengenye yezindlela yezinqubo ezichazwe eSigabeni 11.2(b); inqobo, nje, uma imigomo yalesi Sigaba 11 (okuhlanganisa ngaphandle komkhawulo Imali Yokukhipha Imali) zizosebenza ekufakeni nasekukhipheni imali ngokusebenzisa lolu hlelo.

Isigaba 12. UKUNCONYWA

12.1 Uma Inhlangano yakho Exhasayo ibhalisele uhlelo lokunconywa komsebenzisi kwiziNsizakalo zethu (“Uhlelo Lokunconywa”), uzokwazi ukuncoma imisebenzi yabantu osebenza nabo nge-Website ne-App (“Ukunconywa”). Izinhlelo Zokunconywa ziphinde zivumele Abasebenzisi ukuba baphawule kulokho okwenziwa abantu abasebenza nabo. Noma yini oyifakayo kufanele ilandele imigomo ebekwe kule Migomo Yokusebenzisa, okuhlanganisa njengoba kubekwe eSigabeni 15.

12.2 Silandelela futhi sihlanganise imininingwane emayelana nokusebenzisa kwakho Izinhlelo Zokunconywa nakho konke Ukunconywa okutholayo. Lolu lwazi luhlanganiswe nolwazi oluphathelene nabanye Abasebenzisi Abaxhasiwe abahlangene Nenhlangano yakho Exhasayo nyanga zonke ukuze kwakhiwe ithebula elifinyeziwe elikhombisa labo Basebenzisi Abaxhasiwe abathole Ukunconywa okuningi kunabo bonke.

Isigaba 13. I-EAP KANYE NENHLALAKAHLE

13.1 Ulwazi oluqukethwe kwi-Website ne-App lwethulwa kuBasebenzisi ngezinhloso zokufundisa. Ngaphandle kwezinga elivunyelwe umthetho osebenzayo, i-LifeWorks ayivumi ukubophezeleka kunoma yimiphi imisebenzi yobuphathiswa futhi ayiqinisekisi ukuthi ulwazi luqondile noma luphelele futhi ayivumi ukuthwala icala lamaphutha noma ukweqiwa kulwazi oluqukethwe. Ulwazi olukwi-Website ne-App akufanele kuthenjelwe kulo ukuba lunikeze igunya lokuba umuntu enze okuthile okuhlangene nezinkinga zomthetho, ezezimali, ezemfundo, ezokwelapha/ezempilo noma zengqondo noma kuvale isikhala sokuxhumana nochwepheshe kulowo mkhakha, njengommeli, umgcini-mabhuku, uthisha, udokotela, umhlinzeki wezempilo, noma umeluleki wengqondo. Bonke Abasebenzisi kufanele baxhumane nodokotela noma omunye uchwepheshe oqeqeshiwe ngaphambi kokwenza izinguquko zokudla, amazinga okuzivocavoca noma ezinye izinguquko zendlela yokuphila nokuziphatha.

13.2 UMA UBHEKENE NENKINGA EFANA NESIMO SEMPILO ESIPHUTHUMAYO, NOMA UNEMICABANGO YOKUZIBULALA NOMA UDLAME, NOMA UCABANGA UKUTHI UYINGOZI KUWE NOMA ABANYE, NOMA UMA USEBUDLELWANENI LAPHO UHLUKUMEZEKA KHONA NOMA UKHATHAZEKILE NGOKUHLUKUMEZEKA KWASEKHAYA, KWENGANE NOMA ABANTU ABADALA, SICELA UXHUMANE NEZINSIZA EZIPHUTHUMAYO EZIFANELE NOMA IZIPHATHIMANDLA NGOKUSHESHA.

Isigaba 14. OKUNGAVUMELEKILE UKUBA ABASEBENZISI BAKWENZE

14.1 Izinsizakalo zethu zihlinzekwa kuphela ukuba Abasebenzi bazisebenzisele izinhloso zabo nezingahlangene nezohwebo. Awukwazi:

(a) ukuvumela noma ubani ukuthi angene kwi-Akhawunti yakho noma ayisebenzise, okuhlanganisa nokuzuza kwakho ngokomnotho noma ezohwebo;

(b) ukushicilela kabusha, ukusabalalisa kabusha noma ukudlulisela kabusha i-Website noma i-App nganoma yisiphi isizathu, okuhlanganisa nangenzuzo yakho yezomnotho nezohwebo;

(c) ukusabalalisa kabusha noma ukudayisa kabusha noma yiziphi Izinsizakalo kunoma yimuphi umuntu noma inhlangano nganoma yisiphi isizathu, kuhlanganisa nokuba kuzuze wena ngezomnotho noma ezohwebo;

(d) ukusebenzisa i-Website yethu, i-App noma Izinsizakalo nganoma iyiphi indlela eqola abantu (kuhlanganisa ngaphandle komkhawulo thina, noma wubani noma yiziphi izinhlangano esisebenzisana nazo nanoma yimuphi uMthengisi, okuhlanganisa ngokusebenzisa indlela yokukhokha ongagunyaziwe ukuyisebenzisa njengekhadi lesikweletu ongagunyaziwe ukulisebenzisa noma onganikwanga lona ngokusemthethweni;

(e) ukukopisha, ukuthengisa kabusha noma ukusabalalisa kabusha, ukuhlela kabusha, ukuqaqa noma ukwenza imisebenzi eyimifaniswano yanoma iyiphi ingxenye ye-Website yethu noma i-App, noma iyiphi ingxenye yobuchwepheshe okwenziwe ngabo i-Website yethu noma i-App, noma ngabe butholakale kanjani lo buchwepheshe;

(f) ukusebenzisa i-Website yethu, i-App noma Izinsizakalo nganoma iyiphi indlela engalimaza igama lethu noma ukwethembeka kwethu noma lokho kwezinkampani esisebenzisana nazo nanoma yimuphi uMthengisi;

(g) ukwephula noma yimuphi umthetho osebenzayo noma iziqondiso ngokusebenzisa kwakho i-Website yethu, i-App noma Izinsizakalo;

(h) ukukopisha noma ukugcina i-Website yethu noma i-App nganoma yiziphi izizathu ngaphandle kwezokuyisebenzisela izidingo zakho okungezona ezohwebo (njengoba kungenzeka ngephutha ngesikhathi usebenzisa isiphequluli sakho noma umakhalekhukhwini);

(i) ukukopisha noma ukugcina i-Website yethu noma i-App kuhlelo lwekhompyutha olugcina izinsiza noma olunye uhlelo lokugcina izinto oluxhumene nobuchwepheshe noma wenze uhlu lwemininingwane yabantu ngokuthatha nokugcina noma yimiphi imininingwane kwi-Website yethu noma i-App;

(j) ukususa noma ukuguqula noma yini equkethwe kwi-Website noma kwi-App noma ukuzama ukweqa noma yiziphi izinyathelo zokuvikela noma ukuphazamisa ukusebenza kahle kwe-Website noma i-App nanoma yiziphi izinhlelo zekhompyutha okugcinwa kuzo; noma

(k) ukwenza noma yini enye nge-Website yethu, i-App noma Izinsizakalo engavunyeliwe ngokucacile kule Migomo Yokusebenzisa.

14.2 Ngokwenza i-Akhawunti uvuma ukusinxephezela thina ngokugcwele nganoma yikuphi ukulahlekelwa, ukulimala noma izindleko esizithwala ngenxa yanoma yisiphi isimangalo esivela noma esihlangene nokwephula kwakho noma yikuphi okwenqatshiwe eSigabeni 14.1 ngenhla nanoma yikuphi okunye ukuhlinzekwa kule Migomo Yokusebenzisa; ngaphandle, uma, isibopho sesinxephezelo esishiwo ngenhla singeke sisebenze kuBalawuli be-SPO uqobo noma kuBalawuli be-Pass-Through.

Isigaba 15. OKUTHUNYELWA KWI-WEBSITE NOMA I-APP

15.1 Ngokwenza i-Akhawunti noma ukusebenzisa i-Website yethu, i-App noma Izinsizakalo wamukela ukuthi loku okulandelayo kungumthwalo wakho wedwa:

(a) noma yini nakho konke okuthunyelwe nge-Akhawunti yakho (noma ngabe ithunyelwe nguwe noma abanye abakwazi ukungena kwi-Akhawunti yakho, noma ngabe wena uyazi noma awazi ngokungena kwabo) i-Website noma i-App; kanye

(b) noma yini nakho konke okwenzeka nge-Akhawunti yakho ngesikhathi usebenzisa i-Website, i-App noma Izinsizakalo;

futhi uyavuma ukusinxephezela ngokugcwele nganoma yikuphi ukulahlekelwa, umonakalo noma izindleko esizithole noma esinazo ngenxa yanoma yisiphi isimangalo esivela noma esihlangene nanoma yikuphi okuthunyeliwe noma okwenziwe uma, nje, lesi sibophezelo sokunxephezela singeke sisebenze kuBalawulii be-SPO ne-Pass-Through.

15.2 Ngaphandle uma kunemithetho esebenzayo ephikisana nalokhu, uma ukhetha ukufaka okuthile kwi-Website noma i-App kufanele:

(a) ugcine noma yikuphi oyifakayo kuhambisana nenhloso yenkundla;

(b) ungathumeli lutho olungekho emthethweni, olusabisayo, oluhlukumezayo, oluyindelelo, oluphathelene nezocansi, oluyinhlamba, olucasulayo, noma olwephula amalungelo ezinto ezenzwe ngengqondo noma amanye amalungelo anoma yimuphi umuntu wesithathu;

(c) ungathumeli lutho oluqukethe noma yimaphi ama-virus noma ikhodi enezakhi ezidungayo nezibhubhusayo.

(d) ungathumeli lutho oluqukethe noma iluphi uhlobo lwezikhangiso; futhi

(e) ungalingisi noma ahlanekezele ubudlelwano nanoma yimuphi umuntu noma inhlangano.

15.3 Ngokwenza i-Akhawunti uyavuma futhi uyavumelana nokuthi:

(a) asiqaphi noma sihlole noma yini ethunyelwa nguwe noma abanye Abasebenzisi;

(b) asikuqaphi ukusebenzisa kwakho i-Website, i-App noma Izinsizakalo noma ukusetshenziswa kwalokhu yinoma yibaphi abanye Abasebenzisi; futhi

(c) ngeke sibophezeleke kuwe noma yimuphi omunye Umsebenzisi ngenxa yokuthile okuthunyelwe noma ukusetshenziswa (okuhlanganisa noma yini engafanelekile, engelona iqiniso noma edukisayo ethunyelwe nguwe noma abanye Abasebenzisi be-Website, i-App noma Izinsizakalo.)

15.4 Abalawuli be-SPO kanye Nabalawuli be-Pass-Through bayavuma ukuthi ukuqashwa nokuhlolwa kwezinto ezithunyelwa ngabaSebenzisi kungumsebenzi weZinhlangano Ezixhasayo ngaso sonke isikhathi. Kodwa sinelungelo lokususa noma yini ethunyelwe Abasebenzisi, ngokubona kwethu.

15.5 Izikhalazo mayelana nokuqukethwe kunoma yini ethunyelwe kufanele zithunyelwe ku support@lifeworks.comfuthi kufanele zibe nemininingwane yalokho okuthunyelwe okuholele kwisikhalazo.

Isigaba 16. INCWADI YEZINDABA; EZINYE IZAZISO ZE-EMAIL KANYE NOKUXHUMANA NABASEBENZISI

Ngemvume yakho (ngokwezinga elivunyelwa umthetho osebenzayo) singakuthumelela incwadi yezindaba kwikheli le-email elihlangene ne-Akhawunti yakho. Lezi zincwadi zezindaba kungenzeka zibe neziphesheli eziphuma kuBathengisi. Uzonikwa ithuba lokukhetha ukungazitholi lezi zincwadi zezindaba.

Isigaba 17. IZIXHUMANISI ZANGAPHANDLE

17.1 I-Website ne-App kungahlinzeka ngezixhumanisi zamanye ama-website (okuhlanganisa nama-website Abathengisi) njengengxenye Yezinsizakalo esizinika Abasebenzisi, okuhlanganisa nangezinhloso zemfundo. Abasebenzisi kufanele basebenzise ukuqonda lapho besebenzisa izixhumanisi ukungena kumanye amanye ama-website nge-Website yethu noma i-App.

17.2 AKUKHO OKUSHIWO I-LIFEWORKS NGOKUSEBENZA KWAMA WEBSITE ANGAPHANDLE NOMA OKUQUKETHWE YIWO FUTHI IZINGA LOLWAZI KULAMA WEBSITE ANGAPHANDLE NOMA IZIXHUMANISI EZIKUWO AKUWONA UMSEBENZI WE-LIFEWORKS. LEZI ZIXHUMANISI ZINGAHOLELA, NGOKUNGENHLOSO, KUMA WEBSITE AQUKETHE ULWAZI ABANYE ABANTU ABANGALUTHOLA LUNGAFANELEKILE NOMA LUCASULA. LEZI ZIXHUMANISI ZINGAHOLELA NAKUMA WEBSITE AQUKETHE ULWAZI OLUNGELONA IQINISO, UKUKHANGISA OKUNGAMANGA NOMA OKUDUKISAYO, NOMA ULWAZI OLWEPHULA IMITHETHO YE-COPYRIGHT, UKUBHALA KABI NGOMUNYE UMUNTU, NOMA UKUKHULUMA KABI NGOMUNYE UMUNTU. I-LIFEWORKS AYIZIPHAKAMISI NHLOBO IZINSIZAKALO, IMIKHIQIZO, KANYE NEZINSIZA OKUTHOLAKALA KULAMA WEBSITE FUTHI AYIBAPHAKAMISI ABAXHASI NOMA ABAKHANGISI BAKULAMA WEBSITE.

Isigaba 18. UKUTHOLAKALA KANYE NOKUSEBENZA KWEZINSIZAKALO, I-WEBSITE NE-APP

18.1 Sizosebenzisa imizamo eyenza umqondo ngezohwebo ukwenza Izinsizakalo, i-Website kanye ne-App kutholakale ukuze kusetshenziswe nguwe isikhathi esiningi ngokwanele, kodwa asinikezi noma singene kunoma yisiphi isimo, isiqinisekiso, noma omunye umgomo othi Izinsizakalo, i-Website noma i-App kuzo:

(a) tholakala ngaso sonke isikhathi;

(b) tholakala ngokuqhubekayo noma ngokungaphazamiseki;

(c) ngabi namaphutha, izici, ama-virus noma ezinye izinto ezilimazayo; noma

(d) landela imigomo ethile.

18.2 Ngokwenza i-Akhawunti nokusebenzisa i-Website noma i-App, uyavuma ngezinga elivunyelwe umthetho osebenzayo ukuthi ngeke sibophezeleke ngokomthetho ngokungatholakali noma ukungahambi kahle kweZinsizakalo zethu, i-App noma i-Website (noma ngabe isikhashana), kuhlanganisa ngenxa yokulungiswa okuhleliwe, ukuthuthukiswa, ezokuphepha, izizathu zomthetho noma zebhizinisi, kanye/noma izizathu ezingaphezu kwamandla ethu (njengokuphazamiseka kwemishini noma ubuchwepheshe, okunye ukuphazamiseka kwe-internet, noma ukungatholakali kwe-website yoMthengisi).

18.3 Kungumsebenzi wakho ukusebenzisa izivikelo zokuphepha zobuchwepheshe ezifanele (kuhlanganisa ne-anti-virus kanye nokunye ukuhlola kwezokuvikela) ukuze ufeze izidingo zakho zokuphepha nokuthembeka kwe-Website, i-App kanye nokuqukethwe kukho.

Isigaba 19. AMALUNGELO OKUVIKELA UBUNIKAZI BOKUSUNGULA OKWAKHIWE NGENGQONDO

19.1 Wonke amalungelo okuvikela ubunikazi bokusungula okwakhiwe ngengqondo eZinsizakalo, i-Website kanye ne-App noma okuhlobene nakho (okuhlanganisa umbhalo, imifanekiso, ubuchwepheshe, izithombe ezishuthiwe nezinye izithombe, amavidiyo, imisindo, izimpawu zokuthengisa nama-logo) angawethu noma abanihlinzeki bethu bamalayisense. Unikezwa ilayisense lokusebenzisa amalungelo okuvikela ubunikazi bokusungula okwakhiwe ngengqondo kuphela ngezinga elidingekayo ukuze ukwazi ukuthola Izinsizakalo kanye nokusebenzisa i-Website ne-App ngokuhambisana nale Migomo Yokusebenzisa. Uyavuma futhi uyavumelana nokuthi ukuthola Izinsizakalo noma ukusebenzisa i-Website futhi/noma i-App akukuniki ubunikazi noma amalungelo ahlangene namalungelo obunikazi bokusungula okwakhiwe ngengqondo.

19.2 I-Website noma i-App ingaba nekhodi, eyaziwa ngobuchwepheshe bomthombo ovulekile, esabalaliswa ngaphansi kwanoma yimuphi umgomo wezinhlobonhlobo zamalayisense omthombo ovulekile, okuhlanganisa imigomo evumela ukusabalaliswa kwamahhala nokuguqulwa kwekhodi yobuchwepheshe bomthombo ovulekile noma edinga ukuba bonke abasabalalisi benze le khodi yomthombo itholakale mahhala uma iceliwe, okuhlanganisa noma yimiphi iminikelo noma ukuguqulwa okwenziwe yilowo msabalalisi (ngokuhlangene, “Ubuchwepheshe Bomthombo Ovulekile”). Sicela uqaphele ukuthi, lapho i-Website noma i-App kuqukethe noma yibuphi Ubuchwepheshe Bomthombo Ovulekile, leyo ngxenye uyinikwe ngelayisense engaphansi kwemigomo yelayisense efanele esebenza kumhlinzeki welayisense wangaphandle (“Imigomo Yelayisense Yomthombo Ovulekile”) hhayi ngaphansi kwale imigomo, futhi uyakwamukela futhi uyavuma ukubophezelwa yileyo Migomo Yelayisensi Yomthombo Ovulekile. Ungayithola ikhophi yekhodi yomthombo yanoma ibuphi Ubuchwepheshe Bomthombo Ovulekile obuqukethwe kwi-Website noma kwi-App kanye Nemigomo Yelayisensi Yomthombo Ovulekile efanele, uma uyicela.

19.3 Uyavuma ukuthi, noma yini oyithumelayo (okungahlanganisi ulwazi lwezempilo kanye nemininingwane yokuxhumana) nge-Website noma i-App, inika thina nezinkampani esisebenzisana nazo ilungelo elingapheli, elingenakuguqulwa, lomhlaba wonke, elingakhethekile, elingakhokhelwa futhi elingafakwa ilayisense ngokugcwele kanye nelayisense yokusebenzisa, ukukhiqiza kabusha, ukuguqula, ukushicilela, ukuhumusha, ukwakha nokusebenzisa imisebenzi esuselwe, ukusabalalisa, ukwenza nokuveza lokhu (konke noma ingxenye), kuphela ngaphakathi kweNhlangano yakho Exhasayo, ngokuqonda ukuthi lokho kusabalaliswa, ukusebenza noma ukuvezwa kuhloswe ngakho ukwazisa futhi ngeke kube nenzuzo yezomnotho ngokuqondile noma okungaqondile kuMsebenzisi. Futhi unika abanye Abasebenzisi abangaphakathi kweNhlangano Exhasayo nabanye abasebenzisana nabo ilayisense elingakhethekile lokubuka okuqukethwe ngaphakathi kweNhlangano yakho Exhasayo nabanye abasebenzisana nayo.

Isigaba 20. UKUBOPHEZELEKA KWETHU

20.1 Ngaphandle kwalokho okubekwe ngokucacile kule Migomo Yokusebenzisa, asivumi lutho futhi asinikezi siqiniseko ngokuqonda, ukuphelela, ubusha, ukulunga, ukwethembeka, ubuqotho, izinga, ukuhambisana nenhloso noma ubuqiniso kwanoma yini equkethwe kwi-Website noma i-App, futhi ngezinga eligcwele elivunyelwe umthetho osebenzayo, zonke iziqinisekiso ezenziwe ngokungaqondile, imibandela noma eminye imigomo yanoma yiluphi uhlobo ayifakiwe. Ngokwezinga eligcwele elivunyelwe umthetho osebenzayo, asamukeli cala nganoma yikuphi ukulahlekelwa noma ukulimala kwanoma yiluphi uhlobo ngenxa yokuthembela kwakho noma omunye umuntu kokuqukethwe kwi-Website kanye/noma i-App.

20.2 Akukho lutho kule Migomo Yokusebenzisa olungavimba noma lunciphise ukubophezeleka kwethu kuwe ngokomthetho:

(a) ngokukhwabanisa noma ukukhwabanisa ngokuhlanakazela iqiniso; noma

(b) nganoma yisiphi isibophezelo sezomthetho esingeke, ngaphansi komthetho osebenzayo, sivinjwe noma sincishiswe. Kanjalo, imikhawulo yesibophezelo sezomthetho kule Migomo Yokusebenzisa isebenza kuphela ezingeni elivunyelwe ngaphansi komthetho osebenzayo.

20.3 Ngeke sibophezeleke kuwe ngokomthetho kuwena (noma ngabe leso sibophezelo sivela ngenxa yokwephulwa kwenkontileka, ubudedengu, ukuhlanekezela amaqiniso noma nganoma yisiphi esinye isizathu) nganoma yikuphi ukulahlekelwa noma umonakalo ovela ngenxa yalokhu:

(a) noma yisiphi isenzo noma ukweqiwa kwanoma yimuphi uMthengisi, Umsebenzisi, Umlawuli we-SPO, Umlawuli we-Pass-Through, Inhlangano Exhasayo, noma omunye umuntu wesithathu;

(b) noma yikuphi ukuphazamiseka ekulandeleni noma ekuhlinzekweni kweMali Ebuyela Kuwe noma Umklomelo egameni lanoma yimuphi uMthengisi; noma

(c) noma yisiphi isimo esingeke silindeleke ukuba sisilawule.

20.4 Kungumsebenzi wakho wedwa ukuvikela imininingwane yakho yokungena futhi ngeke sithwale icala nganoma yikuphi ukulahlekelwa noma umonakalo ongabangelwa ukwehluleka kwakho ukwenza kanje.

20.5 Ngeke sibophezeleke kuwe ngokomthetho (noma ngabe leso sibophezelo sivela ngenxa yokwephulwa kwenkontileka, ubudedengu, ukuhlanekezela amaqiniso noma nganoma yisiphi esinye isizathu) nganoma yikuphi ukulahlekelwa kwebhizinisi futhi noma yisiphi isibophezelo esinaso sokulahlekelwa kwakho sigcina kuphela ekulahlekelweni obekungabonakala kungakenzeki.

20.6 Ngeke sibophezeleke kuwe nanoma iyiphi iNhlangano Exhasayo ngokomthetho nganoma yikuphi ukulahlekelwa, umonakalo, isikweletu, isimangalo noma izindleko ezitholwe noma zakhokhelwa nguwe noma iyiphi iNhlangano Exhasayo ngenxa yokumisa okwesikhashana noma ukunqamula kwethu ukufinyelela kwakho ekusebenziseni Izinsizakalo.

20.7 Ngeke sibophezeleke kuwe noma kunoma iyiphi iNhlangano Exhasayo nganoma iziphi izikweletu zentela wena noma iyiphi Inhlangano Exhasayo enizitholayo ngenxa Yezinsizakalo enizitholayo, futhi kungumsebenzi weZinhlangano Ezixhasayo naBasebenzisi kuphela ukuqonda nokukhokha izikweletu zabo zentela ezihlangene noma eziqhamuka kwiZinsizakalo.

20.8 Uma ungena kwi-Website yethu noma i-App use-Australia noma e-New Zealand, imigomo yalesi Sigaba 20 ingaphansi kwamalungelo akho omthengi ngaphansi komthetho wase-Australia noma wase-New Zealand. Sicela ubheke kwiSithasiselo 3 sale Migomo Yokusebenzisa ukuze uthole ulwazi olwengeziwe mayelana namalungelo akho omthengi ngaphansi komthetho wase-Australia noma wase-New Zealand.

Isigaba 21. UKUVALA I-AKHAWUNTI YAKHO

21.1 Uma ufisa ukuvala i-Akhawunti yakho, sicela uxhumane neNhlangano Exhasayo engahlela ukuba i-Akhawunti yakho ivalwe noma ithumele isicelo ku-privacy.lifeworks.com. Sicela uqaphele ukuthi singagcina imininingwane ephathelene ne-Akhawunti yakho kumarekhodi ethu ngokuhambisana nenqubo ejwayelekile ehambisana neNqubomgomo yethu Yobumfihlo (ikhophi yayo yakamuva etholakala ku-help.lifeworks.com). Ukuvala i-Akhawunti yakho ngeke kusibophezele ukuba sisuse leyo mininingwane ngaphandle uma sekudlule isikhathi esifanele ngaphansi kwezinqubo nezinqubomgomo zethu noma lapho kudingeka ukuba senze kanjalo ngokomthetho osebenzayo.

21.2 Kuzoba wumsebenzi weNhlangano Exhasayo ukuvala i-Akhawunti Yomsebenzisi uma Umsebenzisi engasafisi ukusebenzisa Izinsizakalo noma engasahlangabezani nemibandela efanele ebekwe kuSigaba 5.1. I-Akhawunti Yomsebenzisi ingavalwa nguMlawuli we-SPO noma Umlawuli we-Pass-Through esigabeni esithi “Lawula Umsebenzisi” kwingxenye yomlawuli kwi-Website. Lokhu akuphazamisi ilungelo lethu lokuvala ama-Akhawunti Abasebenzisi njengoba kubekwe kwenye indawo kule Migomo Yokusebenzisa.

21.3 Sihlinzeka ngeZinsizakalo zethu kuBasebenzisi Nezinhlangano Ezixhasayo ngaphansi kweSivumelwano se-SPO neNhlangano Exhasayo efanele noma ngaphansi kwenkontileka phakathi kwethu nomthengisi weZinsizakalo zethu naye onenkontileka Nenhlangano Exhasayo efanele. Singamisa okwesikhashana noma sinqamule (ngesinqumo sethu) ukufinyelela nokusebenzisa kwakho Izinsizakalo ezimweni ezithile lapho iNhlangano Exhasayo noma umthengisi weZinsizakalo zethu ephula isivumelwano sakhe nathi.

21.4 Thina, noma iNhlangano yakho Exhasayo (ngokufanele), singavala i-Akhawunti yakho uma:

(a) wephula le Migomo Yokusebenzisa;

(b) uyeka ukuba Umsebenzisi ofanelekile maqondana Nenhlangano yakho Exhasayo noma uma sikholelwa ngokufanelekile ukuthi kunjalo;

(c) Inhlangano Ekuxhasayo iyeka ukukhokhela Izinsizakalo;

(d) Inhlangano yakho Exhasayo yephula inkontileka yayo nathi nanoma yimuphi omunye umthengisi weZinsizakalo zethu njengokuthethelela ukunqanyulwa kwaleyo nkontileka;

(e) noma yimuphi umthengisi weZinsizakalo esihlinzeka iZinsizakalo zethu ngaye ephula inkontileka yakhe nathi njengokuthethelela ukunqamula kwethu leyo nkontileka; noma

(f) nganoma yisiphi esinye isizathu ngokubona kwethu.

21.5 I-Akhawunti yakho nakho konke okuqukethwe kuyo kuzosuswa ezinsukwini ezingu-90 emva kosuku lokuvalwa kwayo. Sicela uqinisekise ukuthi noma iyiphi iMali Ebuyela Kuwe ekwi-Akhawunti yakho ikhishwa ngokusebenzisa Indlela Ofisa Ukuthola Ngayo Imali Ebuyela Kuwe futhi usebenzisa noma yimiphi Imiklomelo ekwi-Akhawunti yakho Yemiklomelo ngaphambi kokuba uvale i-Akhawunti yakho. Uma i-Akhawunti yakho ivaliwe nganoma yisiphi isizathu, uzoba nezinsuku ezingu-90 kusukela ngosuku lokuvalwa kwayo ukuze ufune noma iyiphi Imali Ebuyela Kuwe futhi usebenzise noma yimuphi Umklomelo okwi-Akhawunti yakho Yemiklomelo. Noma iyiphi Imali Ebuyela Kuwe engasetshenziswanga noma engakhishwanga futhi noma yimiphi Imiklomelo engasetshenzisiwe ngalesi sikhathi, izowela kithi. Imali encane edingekayo kwiSigaba 9.2 ayisebenzi esikhwameni seMali Ebuyela Kuwe kulezi nsuku ezingu-90 emva kokuvalwa kwe-Akhawunti yakho.

Isigaba 22. OKUJWAYELEKILE

22.1 Awukwazi ukuzikhiphela ilayisense, udlulise, noma unikeze noma yimaphi amalungelo noma izibopho ngaphansi kwale Migomo Yokusebenzisa.

22.2 Singadlulisela izibopho zethu esinazo nawe noma ukusebenza kwazo kusonkontileka omncane. Singadlulisela noma sinike noma yimaphi amalungelo ethu noma izibopho zethu kuwe, komunye umuntu.

22.3 Le Migomo Yokusebenzisa, ehlanganisa noma yimiphi eminye imigomo eshiwo ngokucacile kuyo, imele sonke isivumelwano phakathi kwethu nawe maqondana nalolu daba.

22.4 Zonke izaziso osinika zona noma thina esizinika wena kufanele zithunyelwe nge-email noma ngokubhalela ikheli elibhalwe eSigabeni 23. Singakunika isaziso nge-email noma ngekheli leposi osinika lona ngesikhathi ufaka i-oda.

22.5 Ukuhluleka kwethu ukuphoqelela, noma uma kuba nokubambezeleka kokuphoqelela noma yimaphi amalungelo ethu ngaphansi kwale Migomo Yokusebenzisa, akuholeli ekuhoxisweni kwamalungelo athintekayo.

22.6 Uma kutholakala ukuthi noma yiziphi izinhlinzeko zale Migomo Yokusebenzisa aziphoqeleleki, lokhu ngeke kube nomthelela ekuphoqelekeni kwanoma yiziphi ezinye izinhlinzeko eziqukethwe.

22.7 Ngaphandle kwalokho okubekwe kuSithasiselo 3, le Migomo Yokusebenzisa kanye neminye imigomo yethu ehlanganiswe nayo ilawulwa yimithetho yase-Ontario, e-Canada futhi nezinkantolo zase-Toronto, e-Canada, ziyoba namandla okugunyaza akhethekile okuxazulula noma yiziphi izingxabano ezingase zibe khona phakathi kwakho nathi ngaphansi kwale Migomo Yokusebenzisa. SICELA UBHEKE ULWAZI OLWENGEZIWE OLUNGASEBENZA KUWE KWISITHASISELO 3 SALE MIGOMO YOKUSEBENZISA.

Isigaba 23. XHUMANA NATHI

Sicela uthumele noma yimiphi imibuzo onayo mayelana nale Migomo Yokusebenzisa nanoma yiziphi izinkinga eziphathelene ne-Website noma i-App kanye nokusetshenziswa kwayo kithi ngalezi zindlela ezilandelayo:

(a) nge-Website;

(b) nge-email ku-support@lifeworks.com ;

(c) ngeposi ekhelini elibhalwe eSigabeni 1.

Imibuzo yakho izosingathwa omele i-LifeWorks ngokushesha. Sizozama ukuphendula imibuzo yakho zingakapheli izinsuku zebhizinisi ezi-5 kusukela utholiwe umbuzo.

Isithasiselo 1

UHLU LWAMAGAMA ACHAZIWE ASETSHENZISWA KULE MIGOMO YOKUSEBENZISA

IGAMA ELICHAZIWE	INCAZELO NOMA INDAWO YENCAZELO
I-Akhawunti	Lokho Okwakhiwa Umsebenzisi ngokungena kwi-Website noma i-App, ukwenza Igama lomsebenzisi nenombolo noma igama okuyimfihlo, nokwamukela le Migomo Yokusebenzisa. I-Akhawunti Yomsebenzisi iqukethe yonke imininingwane efakwe Umsebenzisi ohlwini lwemininingwane yakhe
I-App	Uhlelo lwethu olusebenza ngomakhalekhukhwini olutholakala ezitolo zama-app zangaphandle noma nge-Website
Imali Ebuyela Kuwe	Ichazwe eSigabeni 4(c)
Indlela Oncamela Ukuthola Ngayo Imali Ebuyela Kuwe	Ichazwe eSigabeni 9.3
Isikhwama Semali Ebuyela Kuwe	Lapho yonke Imali Ebuyela Kuwe igcinwa futhi ivela khona. Noma nini uma uthenga nge-LifeWorks imali ebuyela kuwe ehlangene nalokho izovela esikhwameni sakho
Izinsizakalo ze-EAP	Uhlelo lokusiza abasebenzi kanye nezinsizakalo zenhlalakahle ezihlinzekwa yi-LifeWorks futhi ezivunyelwa Yinhlangano yakho Exhasayo
Ukuhlolwa Kwengozi Yezempilo	Ithuluzi lethu olusebenza nge-internet lokuhlola ubungozi bezempilo eligxile kuchungechunge lwezilinganiso eziqinisekisiwe nemibuzo yendlela yokuphila. Leli thuluzi likhiqiza imiphumela efinyeziwe futhi lihlinzeka ngeziphakamiso zolwazi oluqukethwe ngaso leso sikhathi.
Inani elincane	Lichazwe eSigabeni 9.2
Imigomo Yelayisense Yomthombo Ovulekile	Ichazwe eSigabeni 19.2
Ubuchwepheshe Bomthombo Ovulekile	Ichazwe eSigabeni 19.2
Eminye Imiklomelo	Ichazwe eSigabeni 10.5
Umlawuli we-Pass-Through	Uchazwe eSigabeni 2.1
Umsebenzisi Oxhasiwe	Uchazwe eSigabeni 2.1
Umsebenzisi Oncikile	Uchazwe eSigabeni 2.1
Izinzuzo	Imali Ebuyela Kuwe, izaphulelo, nezinye Izinsizakalo zezinzuzo ezihlinzekwa yi-LifeWorks futhi zivunyelwe Inhlangano yakho Exhasayo.
Imininingwane Yomuntu	Imininingwane emayelana Nomsebenzisi ohlonzekayo, okuhlanganisa imininingwane yomuntu yezempilo (njengoba kuchazwe umthetho osebenzayo)
Inqubomgomo Yobumfihlo	Inqubomgomo Yobumfihlo efakwe kwi-Website kanye/noma kwi-App, njengoba ibuyekezwa ngezikhathi ezithile, ikhophi yayo yakamuva itholakala ku-www.lifeworks.com.
Ikhodi Yesizathu	I-barcode, ikhodi ye-QR noma olunye uhlobo lwekhodi olufana nochungechunge lwezinhlamvu ngezinhloso zokuthola isaphulelo sokuthenga kuMthengisi
Ukunconywa	Kuchazwe eSigabeni 12.1
Izinhlelo Zokunconywa	Kuchazwe eSigabeni 12.1
Indlela Okhetha Ukuthola Ngayo Imiklomelo	Kuchazwe eSigabeni 10.6(a)
Umthengisi	Inkampani yangaphandle enguMthengisi noma umhlinzeki wezinsizakalo (okuhlanganisa indawo yokudlela noma ibhayiskobho) noma omunye umhlinzeki wezaphulelo, amakhadi ezipho noma amavawusha. Izimpahla noma izinsiza ezihlinzekwa ngaBathengisi ababambe iqhaza zitholakala ngezixhumanisi ze-website yoMthengisi kwi-Website yethu noma kwi-App.
Imali Yokuthengisa	Ichazwe eSigabeni 9.1
Imininingwane Yomthengisi	Ichazwe eSigabeni 8.1(c)
I-Akhawunti Yemiklomelo	Ichazwe eSigabeni 10.1(b)
Izinsizakalo	Zichazwe eSigabeni sesi-4
Ulwazi olutholakala kwi-internet olufundeka/olubukeka ngokushesha	Ulwazi olufushane, olufundeka/olubukeka ngokushesha, olufana namavidiyo, imibhalo emifushane noma emide ehlukanisiwe yaba uchungechunge lwemibhalo emifushane, konke kwakhelwe ukuba Abasebenzisi bakuthole futhi bakufunde/bakubuke ngokushesha.
Isivumelwano se-SPO	Isivumelwano phakathi kwethu neNhlangano Exhasayo (ngaphandle kwale Migomo Yokusebenzisa) lapho i-LifeWorks yenza iZinsiza zitholakale kuBasebenzisi Benhlangano Abaxhasiwe ngokwabo noma ngokusebenzisa inkampani yangaphandle enguMthengisi
I-Akhawunti Yemiklomelo Yokwenza Kahle	Ichazwe eSigabeni 11.2(a)
I-Akhawunti Yemiklomelo Yomsebenzisi Oxhasiwe	Ichazwe eSigabeni 11.2(d)
Inhlangano Exhasayo	Umqashi, umxhasi wohlelo, inkampani yomshwalense, inyunyana yabasebenzi, inhlangano yabasebenzi, usoseshini wabasebenzi, inyuvesi, ikolishi, noma enye inhlangano yabantu abathile ebhalisele Izinsizakalo zethu kithi ngaphansi kweSivumelwano se-SPO noma enenkontileka yokuthola Izinsizakalo zethu ngenkampani yangaphandle ethengisa Izinsizakalo zethu
Umklomelo Wokwenza Kahle	Uchazwe eSigabeni 4(d)
Imigomo Yokusebenzisa	Le migomo nemibandela (kanye nanoma yimiphi eminye imigomo ehlanganiswe nayo)
Umsebenzisi, wena noma wakho	Uchazwe eSigabeni 2.1
Thina, thina noma okwethu	Kuchazwe eSigabeni 1
I-Website	I-Website yethu ethi www.lifeworks.com (nazo zonke izizinda ezingaphansi kwayo)
Umklomelo Wenhlalakahle	Uchazwe eSigabeni 4(e)
Inkokhelo Yokukhipha Imali	Ichazwe eSigabeni 11.2(g)

Isithasiselo 2

ISAZISO SEMIGOMO ESISUKA KUBAHLINZEKI BANGAPHANDLE:

Sicela ubuyekeze futhi uzijwayeze lezi zaziso ezilandelayo kanye nemigomo edingekayo evela kwizinkampani zangaphandle ezingabahlinzeki bezinsizakalo zethu:

Apple

Uma noma iyiphi i-App oyifaka kumakhalekhukhwini wakho, ongena kuyo noma oyisebenzisayo isebenzia ngohlelo lokusebenza lakwa-Apple, i-IOS:

ungangena kuleyo app futhi uyisebenzise kuphela kumakhalekhukhwini wakho noma olawulwa nguwe noma umqashi wakho futhi ngokusebenzisa uhlelo lokusebenza lakwa-Apple, i-IOS, futhi ngokuhambisana kuphela nemithetho yakwa-Apple eshicilelwe kwimigomo yezinsizakalo kwi-app yakwa-Apple;

Uyavuma futhi uyavumelana nokuthi:

I-Apple ayinaso nhlobo isibopho sokuhlinzeka nganoma yiluphi usizo noma izinsizakalo zokunakekela mayelana ne-App. Uma unemibuzo ngokunakekela noma usizo mayelana ne-App, sicela, uxhumane ne-LifeWorks, hhayi i-Apple, usebenzise Imininingwane Yokuxhumana nathi ebekwe kwiMigomo Yokusebenzisa ngenhla;
Ngaphandle kwalapho kubekwe khona ngenye indlela futhi ngokucacile kule migomo, noma yiziphi izimangalo ezimayelana nokuba ne-App noma ukuyisebenzisa ziphakathi kwakho ne-LifeWorks (hhayi phakathi kwakho, nanoma ubani omunye, ne-Apple);
Esimweni lapho isimangalo senkampani yangaphandle sokuthi ukuba kwakho ne-App noma ukuyisebenzisa (ngokuhambisana nale migomo) kwephula noma yimaphi amalungelo okusungula, i-Apple ngeke ibophezeleke kuwe ngokomthetho mayelana naleso simangalo; futhi
Yize le migomo iphakathi kwakho ne-LifeWorks (hhayi i-Apple), i-Apple, njengenkampani yangaphandle ezuzayo ngaphansi kwale mithetho, izoba nelungelo lokuphoqelela le migomo kuwe;

Uyamela futhi uyaqinisekisa ukuthi:

Awukho, futhi ngeke ube khona, kunoma yiliphi izwe elingaphansi kwamazwe angavumelekile ukuhweba noHulumeni waseMelika noma eliqokwe uHulumeni waseMelika njengezwe “eleseka amaphekula”; futhi
Awukho kunoma yiluphi uhlu lukaHulumeni wase-Melika lwezinhlangano ezingavumelekile khona noma ezinemikhawulo; futhi
Uma i-App ingahambisani nanoma yisiphi isiqinisekiso esisebenza kuyo, ungazisa abakwa-Apple, abazobe sebekubuyisela inani le mali oyikhokhile ngaleyo App (uma ikhona). Ngenxa yalokhu, futhi ngokuqinisekisiwe ngezinga elivunyelwa umthetho, i-Apple ayinikezi noma ingene kunoma yisiphi isiqinisekiso, isimo noma omunye umgomo ohlangene naleyo App futhi ngeke ibophezeleke kuwe ngokomthetho nganoma yiziphi izimangalo, ukulahlekelwa noma izindleko zanoma yiluphi uhlobo eziphathelene naleyo App noma ngenxa yakho noma omunye umuntu osebenzisa leyo App noma othembele kokuqukethwe kuyo.

Isithasiselo 3

ISAZISO KUBASEBENZISI ABANGAPHANDLE KWE-CANADA:

Isigaba 1. Mayelana Nezindawo Okungezona Ezase-Canada. Izinhlinzeko ezingezansi ziqukethe imininingwane eyengeziwe mayelana Nendawo eseSivumelwaneni se-SPO esisebenza kuwe kanye neNhlangano yakho Exhasayo.

1.1 E-Australia. Uma Indawo ekwiSivumelwano se-SPO esisebenza kuwe kanye Nenhlangano Exhasayo ihlanganisa i-Australia:

(a) Lapho kubhalwe khona nge-LifeWorks kule Migomo Yokusebenzisa kuzothathwa ngokuthi kusho i-LifeWorks.com Pty Ltd (eyayaziwa ngaphambilini ngokuthi i-Optum Health & Technology (Australia) Pty Ltd) ACN 134 449 059, inkampani enegunya elilinganiselwe ngamasheya abhaliswe ngaphansi kwe-Australian Corporations Act 2001 futhi ihlanganiswe e-Victoria, e-Australia, ikheli lebhizinisi eliyinhloko liku-Level 25, 303 Collins Street, Melbourne VIC 3000 Australia (ezobizwa ngokuthi “i-LifeWorks Australia” kulesi Sithasiselo 3).

(b) Uma Isivumelwano se-SPO esisebenza kuwe kanye neNhlangano yakho Exhasayo kungenwe kuso ne-LifeWorks Australia (noma eyandulele i-LifeWorks Australia noma eyalandela i-LifeWorks Australia eyenza umsebenzi ofanayo), le Migomo Yokusebenzisa izoba ngaphansi komthetho nezinkantolo zase-Australia ezitholakala e-Melbourne ngezinhloso zeSigaba 22.7 sale Migomo Yokusebenzisa.

(c) Ngaphansi komthetho wabathengi e-Australia, i-Australian Consumer Law (“ACL”) kanye nomthetho ofanayo wesifunda nendawo, abathengi banamalungelo athile angeke avinjwe, okuhlanganisa iziqinisekiso zezinga nokufaneleka ngezinhloso zezimpahla nezinsizakalo. Akukho lutho kule Migomo Yokusebenzisa okufanele lufundwe noma lusetshenziswe ukuze kukhishelwe ngaphandle, kukhawulwe noma kuguqulwe noma kube nomthelela wokukhiphela ngaphandle, ukukhawula noma ukuguqula noma isiphi isimo, iwaranti, isiqinisekiso, ilungelo noma isinxephezelo esishiwo ngumthetho (kuhlanganise ne-ACL) futhi okungeke, ngokomthetho, kukwazi ukukhishelwe ngaphandle, ukukhawulwa noma ukuguqulwa.

1.2 E-Belgium. Uma ungumuntu ohlala e-Belgium isikhathi esiningi, uzozuza kunoma yiziphi izinhlinzeko eziyizibopho zomthetho wase-Belgium. Akukho lutho kule Migomo Yokusebenzisa olunomthelela kumalungelo akho okuthembela ezinhlinzekweni eziyisibopho zomthetho wase-Belgium.

1.3 E-Netherlands. I-Ascender BV iyinhlangano esebenzisana ne-LifeWorks futhi itholakala ku-Vleutenseweg 386, 3532 HW Utrecht, Netherlands, t. +31 (0) 30-2522792 nge-VAT: 820893262B01 kanye nokubhaliswa kwe-Chamber of Commerce: 17254283.

1.4 E-New Zealand. Uma uyisakhamuzi sase-New Zealand ngaphansi kwe-New Zealand Fair Trading Act 1986 (“ FTA ”) kanye ne-Consumer Guarantees Act 1993 (“ CGA ”), abathengi banamalungelo athile angakwazi ukukhishwa. Akukho lutho kule Migomo Yokusebenzisa okufanele lufundwe noma lusetshenziswe ukuze kukhishelwe ngaphandle, kukhawulwe noma kuguqulwe noma kube nomthelela wokukhiphela ngaphandle, ukukhawula noma ukuguqula noma isiphi isimo, iwaranti, isiqinisekiso, ilungelo noma isinxephezelo esishiwo ngumthetho (kuhlanganise i-FTA ne-CGA) futhi okungeke, ngokomthetho, kukwazi ukukhishelwa ngaphandle, ukukhawulwa noma ukuguqulwa. Kodwa, ngokuqinisekisiwe (okuhlanganisa lapho uthenga khona impahla noma insizakalo ngezinhloso zebhizinisi) ukukhishelwa ngaphandle, imikhawulo kanye nezinguquko okukule Migomo Yokusebenzisa izosebenza.

1.5 E-Norway. Uma uyisakhamuzi sase-Norway, uzozuza kunoma yiziphi izinhlinzeko eziyisibopho zomthetho wase-Norway. Akukho lutho kule Migomo Yokusebenzisa olunomthelela kumalungelo akho okuthembela ezinhlinzekweni eziyisibopho zomthetho wase-Norway.

1.6 I-United Arab Emirates. Uma uyisakhamuzi sase-UAE uyavuma futhi uyavumelana nokuthi ilungelo lethu lokunqamula isivumelwano ngaphansi kwale Migomo Yokusebenzisa lingasetshenziswa ngaphandle kwesidingo somyalelo wenkantolo noma esinye isaziso.

1.7 I-United Kingdom. Uma Indawo eyinhloko kwiSivumelwano se-SPO esisebenza kuwe kanye ne-Nhlangano yakho Exhasayo kuyi- UK:

(a) Lapho kubhalwe khona nge-LifeWorks kule Migomo Yokusebenzisa kuzothathwa ngokuthi kusho i- LifeWorks (UK) Ltd. inkampani ezimele ehlelwe ngaphansi komthetho wase-Ngilandi nase-Wales (Reg. No. 08223675) etholakala ku-90 High Holborn, Holborn, London, WC1V 6LJ UK (ezobizwa ngokuthi “LifeWorks UK” kulesi Sithasiselo 3 ) .

(b) Uma iSivumelwano se-SPO esisebenza kuwe kanye neNhlangano yakho Exhasayo kungenwe kuso ne-LifeWorks UK (noma inkampani eyandulela i-LifeWorks UK noma elandela i-LifeWorks UK eyenza imisebenzi efanayo), le Migomo Yokusebenzisa izoba ngaphansi komthetho nezinkantolo zaseNgilandi ezitholakala e-London ngezinhloso zeSigaba 22.7 sale Migomo Yokusebenzisa.

1.8 IMelika. Uma Indawo eyinhloko kwiSivumelwano se-SPO esisebenza kuwe kanye neNhlangano yakho Exhasayo kuyi-Melika:

(a)Lapho kukhulunywa khona nge-LifeWorks kule Migomo Yokusebenzisa kuzothathwa ngokuthi kusho i -LifeWorks (US) Ltd. , inkampani yase-Delaware, ikheli layo lebhizinisi eliyinhloko yi-115 Perimeter Center Place NE, Suite1050, Atlanta, GA 30346 USA (ezobizwa ngokuthi “LifeWorks US” kulesi Sithasiselo 3).

(b) Uma iSivumelwano se-SPO esisebenza kuwe kanye neNhlangano yakho Exhasayo kungenwe kuso ne-LifeWorks US (noma inkampani eyandulela i-LifeWorks US noma elandela i-LifeWorks US eyenza imisebenzi efanayo), le Migomo Yokusebenzisa izoba ngaphansi komthetho nezinkantolo zase-Georgia ezitholakala e-Atlanta ngezinhloso zeSigaba 22.7 sale Migomo Yokusebenzisa.

*** Ukuphela Kwemigomo Yokusebenzisa ***

Igcine ukubuyekezwa ngoMashi 2023